تشيز كيك التمر بالتوفي

السلام عليكم ورحمة الله وبركاته

كيفكم اليوم..إن شاء الله كلكم بخير :)

اليوم بقدم لكم طريقة عمل تشيز كيك التمر بالتوفي

أخذت وصفة التشيز كيك من النت ..لكن طلعت بعض المقادير مو موجودة عندي :(

فدخل الابتكار إلى هذه الوصفة :)

تفريبا أضفت تعديل بسيط على خليط التشيز وطبقة التغطية كانت من ابتكاري :)

نجي للمقادير + الطريقة:

القاعدة:

بسكوت مطحون +نصف اصبع زبدة(50جم)+ملعقتين قشطة.

تخلط جيدا وتوضع في الصينية وتمد جيدا وبشكل متساوي.

خليط التشيز:

12 حبة جبنة كيري+علبة قشطة(170غرام) +حليب مكثف محلى (395 غرام) + 10 حبات تمر + رشة قرفة.

تخلط في الخلاط حتى تمام التجانس(اذا كنتي تبغين قطع التمر واضحه لا تخلطينه الا آخر شيء ) ،ثم  تسكب فوق طبقة البسكوت.

تدخل الفرن على حرارة متوسطة (تقريبا 160 مئوية) من 30~45 دقيقة .

"كيف تعرفين انها استوت ؟! لما تهزي الصينية تحسي ان الخليط  من الوسط يهتز زي الجلي p: "

وتخرجينها من الفرن تبرد شوي ..بعدين تدخلينها الثلاجة .

التغطية:

في صاج أو قدر واسع نكرمل 5 ملاعق سكر.

لما يذوب السكر ويتغير لونه  نبعد القدر أو الصاج عن النار ونضيف علبة قشطة (170غرام ) ونخلط بسرعه .

نرجعه على النار ونخلطه كويس ونضيف له رشه بسيطة من القرفة.

"النار تكون مررررررره واطية "

"لو اتكتل معك لما تضيفي القشطة فماهي مشكلة ..رجعيه على النار واخلطي لين مايذوب السكر المتكتل"
"تقدري تسوي اي طريقة توفي تحبينها"

نطفي النار ونحطه على جنب نستنى عليه دقيقة يبرد شوي.

ونحطه كطبقة أخيره على التشيز ..

ونزينه بالمكسرات أو بالطريقة اللى تحبوها.

زينته بلوز شرايح وفستق.

وبالعافية عليكم :)

في امان الله