أساس العيون والشفاه من مكياجي

السلام عليكم ورحمة الله وبركاته

كيفكم اليوم ياحلويين ,,إن شاء الله كلكم بخير :)

اليوم بتكلم عن تجربتي مع اساس العيون والشفاه من صبايا.

وصف المنتج بحسب موقع مكياجي:

شفاه ناعمة وظلال عيون دائم! استخدمي هذا القلم المزدوج النهاية لأساس الشفاه والعيون ذو المكونات المغذية والمرطبة لثبات ممتد. سترين نتائج مضاعفة ومذهلة في ثبات مكياجك وترطيب شفاهك حين إستخدامك لهذا المنتج الذي صُمم بخاصية منتجين فى واحد.

اول شيء القلم طويل وله جهتين زي ماهو واضح p:

اولا:اساس العيون .

لونه أبيض قوامه كريمي..توزيعه سهل لما توزعينه مايبان أبيض ..ويمسك الظلال كويس..ويبقى الظل ثابت لين ماتشلينه (كانت أطول مناسبة عندي لخمس ساعات تقريبا وجلس الظل ثابت وواضح لين مارجعت البيت)..وتنظيفه سهل..

بصراحة شيء بطل عجبني مرررره..و ماندمت إني جربته.

ثانيا: أساس الشفاه.

لونه وردي قوامه كريمي..لما توزعيه على الشفايف تبان شفايفك مورده ويرطب كمان..ماشفته أعطى ثبات قوي للروج مجرد إنه أعطى ترطيب وان الروج لما يختفي مايختفي كليا يبقى شوي باهت..

هو حلوو كترطيب ..

سلبياته:

:: القلم طووووويل ..يبغاله محفظة كبيرة شوي..

بس مو مشكلة من الاستخدام يقصر

:: كمان احس القطعة اللي في النص ممكن تنفك او تنكسر..

سعره : 49ريال.

::هل يمكن ارجع اشتريه مره ثانية ؟

ما أظن .

أتمنى إنى قدرت أفيدكم..وأي استفسار أنا حاضرة

في امان الله