السلام عليكم ورحمة الله وبركاته
كيفكم اليوم ؟.. إن شاء الله كلكم بخير ♥
ورجعنا لها السلسلة اللطيفة :)
وصفة اليوم جميلة كوجبة غداء
في البداية أنا استخدمت لحم مفروم ، في إمكانك تستخدمي قطع لحم لكن حتأخذ وقت أطول في النضج.
المقادير :
لحم مفروم.
المتوفر عندك من الخضار ( استخدمت : قرع ، بازلاء ، ذرة ).
بصل.
ثوم مهروس.
زيت زيتون.
صويا صوص.
بهارات و ملح.
الطريقة :
نسخن الصاج و نحط فيه زيت الزيتون و نضيف البصل " قطعته حلقات و خليته لحدما تغير لونه للذهبي ".
اضيف اللحم المفروم + الثوم المهروس و أقلب لحدما يتغير لونه للبني ، لو حابه طعم البهارات قوي ضيفيها الآن.
-قطع اللحم بتأخذ وقت أطول في الطبخ فنغطي الصاج و نخليها تستوي -
نضيف الخضار و نقلب شوي و نغطي الصاج ونتركه يطبخ لحوالي 10 دقائق وننتبه عليه لايحترق.
أحب أضيف الملح في الأخير و الصويا صوص و نقلب شويه و نغطي الصاج لمدة 3~5 دقايق ونطفي النار و يكون جاهز للتقديم.
قدمته مع مكرونة القمح الكامل .
تقدري تقدميه مع مكرونة أو رز بالطريقة اللي تحبيها.
أيضا لما تقدمي اللحم بالخضار ممكن ترشي عليه قليل من جبنة البارميزان المبشوره .
و هذه هي وصفتي ، و تقدري تضيفي اللي تحبيه للوصفة
أحب أشوف ابداعكم في تطبيق الوصفة على تويتر و انستقرام.
في امان الله
تعليقات
إرسال تعليق