السلام عليكم و رحمة الله و بركاته
كيفكم اليوم ياحلويين ؟! ..إن شاء الله كلكم بخير ♥
اليوم بتكلم عن تجربتي مع منتجات بوندس pond's flawless white
السنتين الماضية كنت استخدم هذه المنتجات ، جربت غيرها لكن ماعجبتني و رجعت لها
في بداية تجربتي مع منتجات بوندس ، بديت بكريم النهار
++Flawless White Visible Lightening Day Cream SPF18 PA
لون الكريم مايل للوردي ، فيه نسبة وقاية من الشمس 18
أحد أهم أهداف الكريم التفتيح ، يساعد في إزالة الشوائب من البشرة و يوحد اللون.
تجربتي معه :
لما تحطي الكريم على البشرة يندمج بشكل طبيعي و يعطي وهج و إشراقة جميلة للوجة يخفي بعض الآثار الصغيرة و البسيطة " ساعات أحس كأني حاطة بي بي كريم D: - استغليت هالنقطة في أني احط عليه بودره و اروح للدوام -"
بعد ما تمر ساعة بشرتي تبدأ تدهن :(
ما أحب شكل اللمعة :((((
بعد ما مر أسبوع بديت الأحظ التغيير " صراحة خفت ، ما أحب الأشياء اللي تطلع نتايجها بسرعه أحس في شيء غلط "
فتحت بشرتي عن قبل ، وكل اللي حولي لاحظ " هدفي اتخلص من الآثار مو التفتيح "
اما الآثار فكانت تخف بشكل بسيط وتدريجي ، حتى وصلت لمرحلة باقي آثار ما اختفت مر عليها فترة طويلة و مارضيت تروح
من مميزاته :
يغني عن البي بي كريم في الصباح ، يكفي بودره و يطلع شكلي مرتب.
من السيئات :
مايقلل من اللمعان ، ساعة وتدهن البشرة - بالنسبة للبشرة المختلطة أو الدهنية - .
بالنسبة للآثار اشوفه يصل لمرحلة يصير مايقدر يخفيها " يعني تتبقى آثار أو شوائب خفيفة ماقدر يخفيها "
ملاحظة : اللي تفكر تشتريه عشان التفتيح ترى مايفتح كثير يمكن درجة درجة ونص .
و الشيء الثاني هو كريم الليل
Flawless White Re-Brightening Night Treatment
هذا الكريم جدا حبيته
لما اسوي روتين عنايتي الليلي واجي احط منه احس باسترخاء كبيرر
و احس يدخل في أعماق بشرتي.
الهدف منه انه يفتح بعمق و يشتغل على توحيد لون البشرة من خلال إزالة الشوائب
تفتيح ماشفت تغير - اصلا مايهمني - الشوائب احسه عادي ماسوى فرق كبير عن كريم النهار
اللي يعجبني فيه شعور الراحة و الإسترخاء بعد ما احطه.
أسعارهم قريب ال 60 ريال مو متذكره كم بالضبط.
و الحاجة الثالثة اللي جربتها هي السيروم
Flawless White Anti-Spot Intensive Whitening Serum Micro Roller
تركيبة هذا السيروم تدخل إلى طبقات البشرة العميقة و تعمل على تفتيح البقع العنيدة
في نفس رأس العلبة ثلاث كرات معدنية ، عجبتني فكرتها ، أحسها وزعت السيروم صح.
تجربتي :
فتح البقع و الآثار
لكنه ما قضى على الشوائب الصغيره .
ما أتذكر كم كان سعره.
رأيي عن هذه المجموعة جيدة تعطي إشراقة للبشرة و تخفف من آثار البقع و الحبوب لكن ماتقضي عليها نهائيا .
حلوه للي تعاني من آثار بسيطه ، اما اللي آثارها عميقة و قديمة المجموعة حتخفف منها بشكل ملحوظ لكن مو نهائي.
وبس هذه هي تدوينة اليوم ♥
أتمنى انكم استفدتوا منها
في أمان الله
أول شي حابه اقول دوبي اكتشفت مدونتك مدونه جميله ومرتبه وحبيت المواضيع وشاركتها صدرقاتي
ردحذفتاني شي عندي سؤال انا حاليا اعالج بشرتي واتحسس من الكريمات المعطره بشرتي دهنيه مرا بالذات الصباح والاثار خفيفه
ف بسالك ايش تحسي افضل السيروم او مرطب الصباح ؟
يسعدك ربي ياجميلة ❤
حذفطالما بشرتك دهنية أختاري كريمات ترطيب قوامها جل أو لوشن و أحرصي انه يكون مكتوب عليها تركيبة غير دهنية في من أولاي و لوريال و أورنج ديلي و غيرها من الماركات الثانية .
بالنسبة لمجموعة بوندس اللي اتكلمت عنها هنا نوعاً ما ما تناسب البشرات الدهنية لأن تركيبتها دسمة شويتين على البشرة الدهنية .
عادي تقدري تستخدمي السيروم و المرطب في نفس الروتين .. أو تكتفي بواحد فيهم .
ـ اللصباح أفضل تستخدمي كريم ترطيب خفيف أو لوشن .
تدوبنه روعه زيك يا سلوي... انا عندي الكريم النهاري الوردي .. والليلي الأحمر ... رائعين ...
ردحذفيسعدك ربي ❤🌹
حذف