السلام عليكم و رحمة الله و بركاته
كيفكم اليوم ؟ .. إن شاء الله كلكم بصحة و عافية
اليوم تدوينتي بتكون عن مناكيري المفضلة و اخترت أتكلم عن مناكير ريميل و برجوا
في البداية أنا مو من الناس اللي هوسها المناكير ، و حتى يوم أروح اشتري غالبا اختيارتي فيها تكون كلاسيكة ما أحب أشطح كثير و أجرب ألوان غريبة .
أحب أشارككم اختياراتي و مفضلاتي و رايي في المناكير اللي جربتها .
و نبدأ من اليسار
مناكير أصفر و أحمر من ريميل مجموعة صالون برو
تتميز هذه المجموعة بفرشة شوي طويلة و عريضة و طرفها مدور .
الفرشة سهلة جدا في الأستخدام
تركيبة المنتج حلوه و خفيفة - مو خفيفة مره زي الموية شوية أثقل - تنشف بسرعه .
الألوان تبين من أول طبقة عدا الألوان الفاتحة يبغالها طبقة ثانية.
أعتقد سعره 29 ريال ، موجود في أغلب محلات المكياج و الصيدليات.
الدرجات ( الأحمر a right rocking red 704 ،الأصفر spring yellow 311 )
و هذا سواتش للون الأصفر من مدونة أخرى - مالحقت أصور سواتشات خاصة بالمدونة :| -
اللون الأصفر استخدمه عادة مع توب كوت التكسير من برجوا يطلع شيء جدااا جميل .
الآن دور مناكير برجوا
الأول من مجموعة SO LAQUE ULTRA SHINE NAIL ENAMEL
الدرجة beige glamour 27
لونه بيج لحمي من الألوان اللي أحبها
قوام المنتج شوية ثقيل ، الفرشة مافيها شيء مميز .
يأخذ وقت أطول في الجفاف .
أعتقد سعره في الثلاثين موجود في معظم محلات المكياج و الصيدليات .
و آخر شيء توب كوت أحمر يعطي مظهر زي جلد الثعبان - المعظم يسمونه مناكير التكسير -
اسمه PYTHON TOP COAT
كيف تستخدمينه ؟
حطي طبقة مناكير من أي لون تحبينه - أصفر ، أخضر ، زيتي ، أسود ..... أي لون عندك - انتظري لين ماينشف
حطي طبقة من PYTHON TOP COAT
و انتظري شوي بتشوفينه يتكسر و يطلع شكل جميل
لما تحطي منه طبقة خفيفة بتظهر عندك الخطوط صغيره و شكلها يجنن .
للأسف ما أتذكر سعره
و خلصت التدوينة :)
أكتبوا لي في التعليقات أكثر شركة تحبوا تشتروا منها مناكير ؟
في امان الله
تعليقات
إرسال تعليق