السلام عليكم ورحمة الله و بركاته
كيفكم اليوم ؟. إن شاء الله كلكم بخير ❤
و نكمل هذه السلسلة اللطيفة :)
اليوم حيكون عن الأكل - وجبات الفطور ، وجبات خفيفة ، اقتراحات-
قبل ما أبدأ في هذه التدوينة كتبت تدوينات سابقة عن مواضيع مختلفة في سلسلة العودة للدراسة وهي :
حأعرض لكم أربعة أفكار لوجبة الفطور
عجة البيض بالخضار
البيض من المكونات الجيدة لوجبة الفطور .
طريقتها سهلة جداً ما راح تأخذ منك أكثر من 10 دقايق .
كشني الخضار اللي حابتها على خفيف و خليها على جنب
أخفقي بيضتين و حطي معها الإضافات اللي حابتها [ ملح ، فلفل ، بقدونس ...... الخ ].
في صاج ساخن صبي خليط البيض و لما يتماسك أقلبيه على الجهة الثانية " النار تكون وسط أو هادية ".
بعد مايستوي حطي العجة في صحن و حطي عليها الخضار و لفي العجة على شكل حلزون .
القرين سموثي " العصير الأخضر ".
ساعات مافيك تسوي شيء :|
هذه مرره سهل و ينظف الجسم من السموم ، كل شيء في الخلاط و بعدها على الكوب و اشربي وحسي بالإنتعاش.
الطريقة :
في الخلاط :
تفاحتين خضراء + خيار + نصف كوب بقدونس + عصير نصف ليمونة + نصف كوب ماء.
ساندويش خفيف و مغذي
من الحاجات السهلة و السريعة و المغذية و الأهم صحية الساندويشات خيار ممتاز للاطفال و الناس المستعجلة .
المكونات سهلة و متوفرة في كل بيت .
توست بر أو أي نوع يناسبكم ، زبدة الفول السوداني ، موز ، عسل أو قرفة .
الطريقة :
أدهني شريحة التوست بزبدة الفول السوداني ، قطعي الموز شرايح و رتبيه فوق شريحة التوست المدهونة .
و أخيرا رشي عليه شوية قرفة أو عسل .
حبوب الإفطار
من الخيارات المفضلة للإفطار و أفضلها الغارنولا
ايش هيا الغارنولا هي نوع من أنواع حبوب الإفطار يعتمد على الشوفان كأهم مكون فيها .
متوفر في السوبرماركت غالبا في قسم الأغذية العضوية و المستورد.
و تقدري تسويها في البيت.
و هذه شوية افكار لفطور صحي سهل ولذيذ ، لو أنتِ وحده ماتلحق تفطر في البيت خذي فطورك معك .
في علب حلوه لحفظ الطعام متوفره بكل مكان.
الوجبات الخفيفة
في الدوام سواء كنتِ موظفة أو طالبة أكيد بتحسي بجوع خفيف .
أنصحك تأخذي معكِ وجبة خفيفة
من الخيارات الممتازة للوجبات الخفيفة الفواكة و أكيد الكل يعرف أن الفواكة من المصادر المهمة للفيتامينات و المعادن .
جميلاتي عودوا أنفسكم تأكلوا فواكة بين الوجبات لما تجوعوا ، هي مليانة فايده و راح تعزز و تبنى جسمك بشكل كويس .
عزيزتي الأم عودي أطفالك على الفواكة بين الوجبات خليهم ينسوا الشكولاتات و الشبسات اللي مامنها فايده لإجسامهم.
حتى الخضر مفيدة و بالذات اللي لونها أخضر لو تسوي لك صحن سلطة ورقيات خضراء و تأكلي منه كل يوم راح تلاحظي الفرق في وجهك بيكون منور و مشرق و أول ردة فعل تجيك من الناس " يابت وجهك مفتح و منور " طبعاً ماتبين من يوم وليله تحتاج استمرار و محافظة .
أيضاً تقدري تأخذي مكسرات في علبة صغيرة قد كوب الشاي الصغير أو بمقدار قبضة اليد بشرط ماتكون مملحة .
و ماتنسي المويه شيء مهم و ضروري خلال يومك .
هذه أهم النقاط اللي حبيت أتكلم عنها في هذا الموضوع
و حاجة أخيره قبل ما اختم التدوينة ..
نوعيه أكلك تتحكم في مزاجك و صحتك و بشرتك .
خليها صحيه و من مصادر طبيعية بيتحسن مزاجك و صحتك وبشرتك .
و بس هذه هي تدوينة اليوم ، أتمنى إنها تكون مفيدة لكم ، و لا تنسوا تشتركوا في القائمة البريدية و المدونة [ ❤ ]
صفحات التواصل الإجتماعي الخاصة بي في يمين الصفحة
في امان الله
يديك العافيه علی هالتدوينه ♡
ردحذفالله يعافيك ويسعدك ❤
حذفشكرا لك ، مؤخرا ابتديت بنظام حياة صحي و اضطررت أسوي بحثي كله بالانجليزي نظرا لقلة توفر المحتوى العربي و عشان كذا حبيت أبدأ سلسلة سناكات صحية بمدونتي و يسعدني جدا اني الاقي ناس زي مهتمة بهالجانب ، يعطيك العافية و موفقة يا جميلة
ردحذف