السلام عليكم و رحمة الله وبركاته
كيفكم اليوم ؟.. إن شاء الله كلكم بخير ❤
تدوينة اليوم بتكون عن تقييمي لباليت نيكد 3 .. و بشارككم ببعض اللوكات اللي تقدري تسويها منه .
شكراً لكل الجميلات اللي اشتركوا في المدونة و القائمة البريدية😘❤
و متابعاتي بصمت تفرحوني لما تشتركوا فيها :)
التعبئة و التغليف :
العلبة معدنية و تنقفل بإحكام ، تحتوي على مراية كبيرة و فرشاة مزودجة ، فيها 12 ظل متنوعه مابين درجات الوردي الطبيعي و الباهت ، الزهري اللامع و الأسود المطفي الداكن مع ذرات صغيرة حمراء و وردية لامعة .
* شكل العلبة جذاب و ملفت .
* الظلال كميتها جيدة .
* جيد للسفر ، وزنه خفيف.
وصف الدرجات من أوربن ديكاي :
- Strange : زهري شاحب طبيعي ، نهايته مطفية +ساتان .
في الواقع أشوفه بيج على زهري شاحب و نهايته ساتان " مالقيت لها مرادف بالعربي يناسبها ، لكن المقصود بكلمة Satin لمعة زي لمعة الحرير ".
حبيته جداً للإضاءة تحت الحاجب و عند مدمع العين و مناسب للإستخدام في كل وقت .
- Dust : زهري معدني باهت براق وبه ذرات صغيرة من الجليتر و نهايته لامعه ( shimmer ) .
أشوفه زهري باهت بارد وفيه ذرات جليتر فضية ، اللمعة حقته جداً جميلة و أتخيله في لوكات كثيرة لكن مشكلة هذه الظل أنه يتناثر و انزعجت منه ، فصرت لما استخدمه ابخ عليه شويه من الفكس بلس و يصير تمام .
- Burnout : زهري فاتح على خوخي و نهايته ساتان .
جاي بنفس الوصف زهري على خوخي لون جداً جميل و حلو لما يوزع على كامل الجفن .
- Limit : زهري فاتح مغبر و نهايته مطفيه .
هذا اللون أقرب مايكون للموف الفاتح وفيه شوية وردي ، جميل لدمج الألوان .
- Buzz : وردي معدني به ذرات جليتر فضية و نهايته لامعه ( shimmer ).
- Trick : زهري نحاسي فاتح معدني مع ذرات براقة و نهايته لامعه ( shimmer ).
لونه جدا جميل جاي على نحاسي و فيه شوية زهري وفيه ذرات صغيرة براقة قزحية اللون .
جميل جميل جميل مررره حبيت هذا اللون و خدمني في لوكات كثيرة .
- Nooner : وردي - بني معتدل و نهايته مطفية .
أشوفه جاي على وردي شبه غامق مع بني ، هذه الدرجة من الدرجات اللي أحبها في هذا الباليات .
تنفع أوزعها على الجفن أو أستخدمها كلون انتقالي نفعني كثير .
- Liar : ليلكي معدني و نهايته لامعه ( shimmer ).
اللون فيه لمعه معدنية و تحسي لونه زهري على ليلكي بني وفيه شوية درجات الرمادي الفاتحة .
قوامه و توزيعه رائع من الألوان اللي أحبها في هذا الباليت .
- Factory : وردي على بني و نهايته ساتان .
- Mugshot : رمادي داكن معدني وفيه شوية لون وردي و نهايته لامعه ( shimmer ).
- Darkside : رمادي داكن جداً-ليلكي و نهايته ساتان .
هذا اللون تحسيه كأنه لون توبي (taupe) بلمعة لؤلؤية ، جميل جداً .
- Blackheart :أسود دخاني مع ذرات صغيرة براقة حمراء و وردية .
بعد كم من استخدام و التأمل فيه اقتنعت انه اسود و الا في البداية كنت اشوفه بنفسجي داكن .
اللون حلو و مميز و يخدم كثير .
وهذا سواتش يبين الدرجات بشكل أوضح .
رأيي عن الظلال بشكل عام أعتبرها جميلة و فادتني بشكل كبير لكن :
- لما ننظر لتدرجات الظلال في الباليت نشوف انها غير عملية و غير كافية خصوصا انه في بعض الالوان درجاتها متقاربة من بعض ، بالتالي بتحتاجي لظلال إضافية .
- الدرجات الفاتحة صبغيتها خفيفة و ماتبان من دون برايمر .
الفرشاة المزودجة :
كلا الفرشتين تنفع لوضع الشادو ، الفرشة المنفوشة تنفع للدمج لكنها مو متخصصة .
عجبتني جودة الفرشة و حبيتها و صرت استخدمها في مكياجي دايما .
يجي مع الباليت 4 عينات مختلفة لبرايمر الظلال " Eyeshadow Primer Potion "
- ORIGINAL :
أشهر أنواع البرايمر عند أربن ديكاي .
هو يجي بلون و لما توزعيه على الجفن يندمج مع البشرة و يختفي لونه .
يثبت الشادو لفترة طويلة ماجربت غير لـ 6 ساعات و كان ممتاز و أكيد بشتري الحجم الأصلي مستقبلاً .
- EDEN :
هذا النوع من البرايمر يكون بلون و يعطي إضاءة طبيعية ، ممتاز مع الظلال الفاتحة يبرزها بشكل جميل .
حبيته زي ما حبيت النوع اللي قبله و بالتأكيد مخططه اشتريه قريباً .
- SIN :
هذا النوع مو برايمر بحد ذاته ممكن يستخدم كإضاءة و ممكن يستخدم كشادو ، بصراحة ما حبيته مايندمج كويس و يتعب .
- ANTI-AGING :
هذا النوع من ضمن منتجات مكافحة الشيخوخة جربته على أمي خصوصا انو بدت تطلع فيها علامات التقدم في السن و كان مناسب لها و طلع الشادو ممتاز لوقت طويل جدا ، ابدا ماخطط و لا تغير زي ماحطيته قبل 5 ساعات تقريبا .
جميل جداً ان يجي مع الباليت هذه العينات يسهل علي الحكم أي نوع ناسب معي أكثر .
الإيجابيات :
- العلبة شكلها أنيق و جذاب و ملفته .
- الباليت خفيف الوزن و يتقفل بإحكام و تقدري تأخذيه معك في السفر .
- المراية كبيرة .
- الفرشة جودتها جيدة " بالنسبة لي أول باليت يمر على و تكون فرشته جيدة و تنفع للإستخدام المستمر " .
- خالي من البارابين ، السولفات ، الفثالات .
- عينات البرايمر إضافة ذكية و جيدة بالنسبة للمستهلك .
- قائمة المكونات مدونة على العلبة .
السلبيات :
- الدرجات الفاتحة ماتبان من دون برايمر .
- قلت التنوع في الدرجات ، حيث ان فيه ظلال درجاتها اللونية متقاربة بشكل واضح .
- عدم توافر هذه الظلال بشكل مفرد .
السعر :
279 ريال .
أماكن الشراء :
سيفورا الردسي
و أعتقد انه صار متوفر في كل فروع سيفورا السعودية .
بض اللوكات اللي تقدري تسويها من هذا الباليت ..
**
**
**
**
و ابحثي في Google , Pinterest , YouTube
اكتبي Naked 3 Palette Looks و بتطلع لك نتايج كثيرة تناسب ذوقك .
أتمنى استفدتوا من التدوينة
صفحاتي الإجتماعية في يمين المدونة
في امان الله
حبيت ♥
ردحذفتخيلت الالوان على البشرات الباردة و الفاتحة شيء حلو
في الوان مكررة مثل ما ذكرتي اجمالا يعطيكي العافية
ريفيو شامل و تصويرك جميل جدا و اسلوبك اروع ♥
أوافقك الرأي بعض الألوان مميزة على البشرات الفاتحة .
حذفيسعدك ربي على كلامك اللطيف .. مرره انبسطت و رفعتي من معنوياتي ❤