السلام عليكم و رحمة الله و بركاته
كيفكم اليوم ؟.. إن شاء الله كلكم بخير ❤
إزالة الشعر له طرق مختلفة .. طلبتوا مني أكتب عن هذا الموضوع و أخيراً صار جاهز و بتعرفوا رأيي عن الطرق اللي جربتها و أيهم المفضل عندي .
الحلاوة
*الصورة من النت*
أكثر طريقة كنت أسمع عنها مدح مو طبيعي و أشوف الكل كان يستخدمها .
من خلال تجربتي :
تشيل الشعر بشكل كويس و فعال و تعطي إحساس بالنظافة .
لكن ما حبيتها و لاعاد صرت استخدمها لعدة أسباب :
- قوامها الرخو واحساس السكر و التلصيق اللي يجي في أصابعك لما تستخدميها جداً مقرف بالنسبة لي ، و أحيان لما اشتريها تكون صلبة ما يطلع منها شيء جداً مزعجة .
- سببت لي كدمات و بقع داكنة خصوصاً في يديني .
- منطقة الأبط لو استخدمتي الحلاوة لها توقعي مليون بالمية إنها بتغمق بالذات لو كانت طريقتك في استخدام الحلاوة تمديها على كل الأبط و تشيليه و ترجعي تعدي مره ثانية كذا أرهقتي المكان اللي بتزيلي منه و عرضتيه للإحمرار و بالتالي حتغمق المنطقة من هذه المعاملة الخشنة ، للبنات اللي يحبوا استخدام الحلاوة الأفضل تأخذي قليل على أطرف الأصابع و تشيلي شعره شعره ماراح يأخذ منك وقت و بالتالي تشيلي الشعر كله من دون ما تسببي سواد للمنطقة .
الشمع
ثاني طريقة جربتها و تصورت إنها أفضل من الحلاوة لكن خاب ظني .
جربت شرائح فيت الشمعية .
من خلال تجربتي :
طريقة الإستخدام حلوة و نظيفة ، قصصي الشرائح بحسب مساحة المنطقة اللي بتشيلي منها .
مميزاتها : ماتأخذ وقت طويل ، تشيل أغلب الشعر من مره وحده .
عيوبها : أول عيب شفته لها شالت لي طبقة من البشرة معها و صارت يدي كأنها محروقة .
الشريحة غالباً ماتشيل غير مره وحده يعني ما تقدري تستخدميها أكثر من مرة .
احتمال أن الشعر يطلع تحت الجلد شيء جداً وارد معها .
بصراحة شفتها أكثر فعالية لشعر الرجول لكن ماحبيت هذه الطريقة لرجولي كونها جافة و لو استخدمت أي طريقة للنتف راح تكون عواقبها سيئة بالنسبة لي .
شفرات الحلاقة " الموس "
من الطرق السهلة و السريعة لكن نتيجتها ماتدوم لوقت طويل .
أعتمد على الشفره في إزالة الشعر الزائد من الرجول بما أني ما أقدر استخدم النتف لها .
و لأي مناسبة تجي فجاءة أستخدم الشفرة دقايق و أنا مخلصة .
لكن ما تعجبني لأن نتائجها ما تطول .
أفضل هذه الطريقة لإزالة الشعر من المنطقة الحساسة لأنها أنظف و أسرع ..
مدري ليه في بنات يتخوفون من الموس لهذه المنطقة مع إنه من سنن الفطرة " حلق العانة " .. ركزوا حلق مو نتف و لا خرابيط ثانية .. حلق فقط ..
و متوفر شفرات حلاقة نسائية آمنة في كل المحلات تقريباً " أفضل نوع جربته هو جيليت فينوس "
آلة النتف و الحلاقة من بروان
هذه بروان 7 أخذتها من زمان و كانت بـ 500 أو 600 ريال مو متذكرة .
و طلعت بعدها اصدارات متطورة و بمزايا أفضل.
و طلعت بعدها اصدارات متطورة و بمزايا أفضل.
ميزتها في تعدد الروؤس و الخدمات المتعددة اللي تقدمها ، يعيبها سعرها بالنسبة للبعض يشوفه غالي .
تعتمد على الشحن و أشوفه مريح جداً .
الروؤس اللي معها : رأس لنتف شعر الوجة : و بصراحة مرعب ومو دايم أستخدمه ، لكن من الكم مره اللي جربته فيها عجبني في إزالته للشعر بشكل جيد و سريع ، لكن أشوف حجمه شوي كبير على الوجة و ممكن يأذيه .
رأس النتف للأبط و المناطق الحساسة : هذا الرأس استخدمه لإزالة شعر الأبط جداً جميل ، دقايق و أنتِ مخلصة و الأهم نظافة .
رأس الحلاقة : مررره جميل و لما استخدمه أخلص بسرعه ماله إستخدام محدد عندي مخليته للطوارىء و الخرجات السريعة .
رأس النتف العادي : هذا ينتف الشعر من الجسم خصوصاً الأرجل و اليدين .
بصراحة هالألة مريحتني و من يوم استخدمتها ارتحت عليها و أعتمدتها .
نظيفة .. سريعة .. و متعددة الإستخدام .
كريم إزالة الشعر
يعيب كريم الإزالة رائحته جداً سيئة و ممكن يحسس بعض البشرات .
جربت نوعين فيت و نير .
نير : رائحته جداً جدً جداً سيئة بالإضافة إلى إنه حار على البشرة ، المفروض يترك على البشرة لـ 5 دقايق أنا ماقدرت اتحمل نص المدة وشلته .
فيت : رائحته سيئة لكن أهون بكثير من نير و عادي استخدمه بنفس المدة المذكورة عليه و هو الأفضل عندي حالياً .
نتايجه سريعه و يعني ماأشوفها تطول زي أسبوع تقريباَ و أحيان أقل بالنسبة لشعر اليدين و الرجول .
شعر الوجة يشيله لكن يعطي ملمس خشن للبشرة و حطي في بالك المدة اللي تتركي فيها الكريم على وجهك ما تتعدا الـ3 دقايق و الأفضل أقل من هذه المدة ، لأن بشرة الوجة بطبعها حساسة و ماراح تتحمل مدة طويلة و ممكن تعطي نتيجة عكسية فأنتبهي و أنتِ تستخدميه على الوجة .
و هذه هي خلاصة تجاربي الأفضلية عندي هي لآلة بروان بعد ما جربتها ارتحت كثير كونها حققت لي الراحة في الأستخدام و النظافة و السرعة .
ممكن بعضكم يخالفني الرأي و يفضل طرق أخرى ، هذه حاجة طبيعة جداً و كل وحدة تميل لطريقة أو تقنية معينة و تشوفها مريحة لها عااادي جداً ، عموماً مافي طريقة تريح الكل أو هي الأفضل ، الطريقة الأفضل هي اللي تحقق النقاط المهمة في نظرك .
اكتبوا تجاربكم و طرقكم و شاركوني بمنتجاتكم المفضلة لإزالة الشعر هنا أو في تويتر أو انستقرام .
صفحاتي الإجتماعية في يمين المدونة
في امان الله
كنت استخدم الحلاوه بس طفشني التلزيق وتركتها بالرغم من انها كانت مريحتني شهر كامل ع مايطلع الشعر مره ثانيه
ردحذفاله براون عندي بس نوع ثاني والصراحه ماقدر اتحمل المها لان احس بالم نزع الشعر شعره شعره مدري كيف بس احس المها اشد من الحلاه فتركتها
حاليا استخدم الموس جد متععععب كلها كم يوم وفي اقل من اسبوع الشعر يطلع بس مفكره اسوي ليزر والموس ممكن يقسي لي الشعره وبالتالي نتيجه الليزر تكون افضل عشان كذا استخدمته
شكرا ع البوست الجميل 🌷
شكراً على مشاركة تجاربك جميلتي 😘
حذففعلاً الحلاوة يجلس الشعر شهر حتى يطلع ، في البداية كنت أحس بألم مع بروان بعدين تعودت علية و صار عادي .
الليزر نتيجته حلوة و يريح فترة طويلة ، فكرت أسويه لكن تخوفت من بعض الآثار الجانبية له و أجلت الفكرة شوي .. أنصحك تقرئي عنه قبل ما تسويه .
العفو يا جميلة ❤❤
ترى اللي يستخدمون الة في كريم مسكن للالم ف انصح فيها يمكنكم التجربة بعد استشارة الصيدلي
حذفترى اللي يستخدمون الة في كريم مسكن للالم ف انصح فيها يمكنكم التجربة بعد استشارة الصيدلي
حذفكنت استخدم الحلاوة لفتره طويله لان امي الله يطول بعمرها عودتني عليها لكن تركتها لانها متعبه وتحتاج وقت طويل وغير كذا بالصيق تكون ذاايبه ولازم تتركيها بالفريزر لحد ماتجمد وبالشتا تكون متجمده ولازم تذوبيها هذا غير الكدمات والالم ، اتجهت للأله براون جدا ارتحت ومثل ماتقولين ددقايق الا انتي جاهزه ، والرؤوس الي تجي معها جدا رئعه واستخدمها لكل شي
ردحذفالله يحفظ أمك و يخليها لكم ..
حذفشكراً على مشاركة تجربتك .. نورتي ❤❤
كنت استخدم الشمع و مريحني بالاضافه للاله كانت امجوي اليجنت جدا رائعه و اخف الما من براون
ردحذفحاليا ليزر و اللهم لك الحمد ارتحت
ميما الجميلة منوره ❤❤
حذفشاكره لك مشاركة تجربتك 😘🌹
بس ممكن لما استخدم الآله يطلع الشعر خشن ?!
ردحذفلا .. عادي ما تأثر على الشعر .
حذفكلهم الاام !! 💔💔
ردحذفالا الموس ماتحسي فيه 👄💟 بس يطلع لك شعر تحت الجلد كل اسبوع استخدمه 💚💚👑 وكل ثلاث اربع شهور اشيل شمع عشان الشعر اللي تحت الجلد 😍❤ وبالنسبه للشنب اشيله شمع ❤🌸🌸 والابط اشيله مووووس بس 💔💔 لانه منطقه تخوف شوي وحسااسه 😤😤.
مشكككووورةةة قددا 😮.
العفو يا جميلة �🌹�
حذفانا حاليا استخدم الحلاوه راحه من ناحيه
ردحذفتأخير ظهور الشعر من جديد
بس تطفش بإنها تأخذ وقت كثييير على ماتنتهين
الموس لأوقات المستعجله والعجازه ^_^
أما الشمع فجربته فتره وكان يحمر المكان
ومااهتميت لأني ماتوقعت ينقلب لاسمرار
وتحسف لما لاحظت المنطقه مسمره بسبب هالشي
إذا عندك حل انقذيني حبيبتي :' (
للأسف ما عندي حل للإسمرار :'(
حذفالإفضل تروحي لدكتورة تكتب لك كريمات تساعدك في تفتيح المنطقة اللي سمرت .
يعطيگ الف عافية فعلاً انا اوافقگ الرئي لبراون وبجانبها موس الحلاقه للمناطق
ردحذفالحساسة عملتي عدة تجارب فادتگ وفادتنا وسهلتي لبعض البنات الاختيار اهنيگ الصراحة على مجهودگ الجميل وبوركتي فيه❤❤
الله يعافيك ياجميلة ❤
حذفو إياك يارب ❤
يعطيك العافيه وانا ناويه اشتري براون
ردحذفبس عندي سؤال بالنسبه لكريم ينفع استخدمو للوجه لآن احس شعر وجعي كثير بس انو فاتح وخفيف الشعر ؟
الله يعافيك يا جميلة ❤❤❤
حذفآلة بروان جداً عملية و تختصر الوقت .
ما أنصح بالكريم لشعر الوجة ، لأنه يعطي ملمس خشن للبشرة حتى لو كان الوقت قليل .. و أيضاً ممكن البشرة تتحسس منه .
ماعندك خبره مع الليزر؟ اتمنى انك تتكلمي عنو
ردحذفلا .. لسى ما جربته
حذفشكرا لك، مدونتك جميلة
ردحذف