السلام عليكم و رحمة الله و بركاته
كيفكم بنات ؟ .. إن شاء الله كلكم بخير 😘
مرره شكراً بنات .. الله يسعدكم و يفرحكم ❤❤❤ ، انبسطت كثير بتفاعلكم مع [ تدوينة الأساسات ] ، كلماتكم الحلوة و دعواتكم مررره فرحتني ، ربي يسعدكم و لا يحرمني منكم ❤
تدوينة اليوم بتكلم فيها عن أنواع الكونسيلر .. الفرق بينها .. و شوية تفاصيل ثانية .
كوني جزء من عالمي ~
نلاحظ من تدوينة الأساسات إنه الأساس يساعد على توحيد لون البشرة ، لكن المشاكل البارزة مثل العيوب و الندوب و مناطق التصبغات و المناطق الداكنة تحتاج لتغطية أكبر ، لذلك نتحتاج لمخفي العيوب حتى نحصل على تغطية صافية من دون الحاجة لطبقات كثيفة من المكياج .
أنواع مخفي العيوب ..
عاكس للضوء | Light Reflecting
بمعنى أصح إضاءة ، هذا النوع غالباً تكون تغطيته خفيفة ، لكن يعطي وهج حلو للعين يبينها مصحصحه و منتعشة .
للي تحب تنور المنطقة حول العين .. تحط منه تحت العين و شوي في زواية العين الداخيلة و تدمجه بالفرشة أو الأصابع .
خلاصة الأمر : هذا النوع حلو لتنوير المنطقة حول العين و لإضاءة الوجة .
إذا استخدمتيه للعيوب الثانية زي الحبوب و الندوب يبرزها بشكل سيء .
هذا النوع حلو للي بشرتها خالية من العيوب و تبغى تنورها .
جربت كونسيلر من بودي شوب [ Lightening Touch ]
تكلمت عنه قبل بالتفصيل - اضغطوا على اسمه بتوصلوا للتدوينة- .
يعتبر من الكونسيلرز العاكسة للضوء ، جميل جداً للإضاءة .
تغطية مبهمة | Opaque Coverage
بمعنى أصح يندرج تحتها كل الكونسيلرز اللي تغطيتها من متوسطة لعالية و تخفي كل العيوب .
و هذا اللي دايم يسألوا عنه البنات .
تجي في أشكال و تركيبات كثيرة ، مثلاً : الـ Stick -شكل تعليبه زي الروج - هذا كريمي ثقيل مرره ، و يغطي كويس لكن مشكلة ممكن يخطط أو يبين القشور في المناطق الجافة من الوجة .
الكونسيلرز الكريمي اللي تجي في باليت تركيبتها كريمية لكنها أخف من الـ Stick
و في تركيبات ثانية كثيرة .. هنا نتكلم عن الكونسيلر اللي فعلاً يعتمد عليها في تغطية كل العيوب .
تكلمت عنه قبل بالتفصيل .
هذا الكونسيلر تغطيته ثقيلة ، معتمدته للسهرات و المناسبات الطويلة .
تكلمت عنه بالتفصيل .
هذا الحب الجديد ، تغطيته متوسطة و قابلة للبناء ، الحلو فيه انه وزنه خفيف على البشرة ماتحسين فيه .
من يوم بديت أجربه و أنا استخدمه في أغلب مكياجي .
تكلمت عنه بالتفصيل قبل .
تغطيته متوسطة ، حلو و مناسب للنهار .
[ كونسيلر بي بي كريم غارنييه ]
هذا بتكلم عنه قريب إن شاء الله
تغطيته من خفيفة لمتوسطة ، حلو لمكياج النهار يعطي مظهر طبيعي للعين .
مصحح الألوان | Color Correcting
ألاحظ كثير بنات يستغربون لما أقول أن المصحح له نفس تركيبة الكونسيلر الفرق في الوظيفة فقط .
بمعنى أن أختلاف ألوان الكوركتر تساعد في تعديل لون المشكلة - سواء هالات أو احمرار أو بهتان - و الكونسيلر يعمل على تغطيتها و توحيدها مع لون البشرة .
طيب ليه في اختلاف في ألوان الكوركتر ؟!
طبعاً بتلاحظى أن الوان الكوركتر كثيرة .. أصفر ، برتقالي ، مشمشي ، بنفسجي ، أخضر و غيرها .
كل واحد منهم بيصصح مشكلة ، عجلة الألوان بتساعدك تفهمي هالمسألة - ابحثي عنها في قوقل- .
بعطي مثال : الهالات أكثر مشكلة بين البنات ، لما نجي نطالع فيها نشوفها داكنة أدكن من البشرة غالباً الأندرتون لها أما بنفسجي أو أزرق فاللون المقابل لهاللونين في عجلة الألوان هيا درجات البرتقالي " تبدأ من المشمي إلى البرتقالي المحمر ، لون البشرة وقوة الهالات هي اللي تحدد أي درجة برتقالي تناسبك ".
مثال ثاني : الإحمرار في البشرة ، اللون الأحمر في عجلة الألوان يقابله الأخضر ، بالتالي فالمصحح المناسب لهالحالة هو الأخضر .
و هكذا لبقية المشاكل .
*ممكن أتكلم عن المصححات في المستقبل لو حبيتوا .
من الكوركتر الجيدة و سعرها جداً معقول و في متناول الكل .
أنواع الفرش
غالباً أدمج الكونسيلر بأصابعي أو بالإسفنجة ،وأشوف النتيجة تكون أفضل .
أستخدم بعض الفرش في التوزيع و الدمج و تعطي نتيجة حلوة ، الفرشة الصغيرة زي فرش الأرواج أو فرش الشدو الصغيرة و اللي يكون شعرها صناعي ممتازة في التوزيع و التحديد بدقة .
كل هذه الفرش تكلمت عنها [هنا ] .
تكلمت في تدوينة سابقة عن طريقتي في الكونسيلر [ هنا ] .
و بكذا خلصت المعلومات اللي عندي أتمنى إني مانسيت شيء ❤
صفحاتي الإجتماعية في يمين المدونة .
في امان الله
تعليقات
إرسال تعليق