السلام عليكم و رحمة الله و بركاته
كيفكم اليوم ؟ ... إن شاء الله كلكم بخير .
كلنا نعرف إن العناية بالبشرة و مظهرها السليم مهم لنا كـبنات ، و شيء أهم نعرف أعداء بشرتنا و اللي تتسبب لها في أغلب مشاكلها .
هذا الشيء يعتمد على ملاحظتك و مو شيء عام لكل البنات .
عوامل في الحياة ضرت بشرتي و اسميهم " أعداء " لأنه طبعاً لو ما اتخذت أي اجراء دفاعي بشرتي بتتأثر منها بشكل فظيع و بعدها راح يكون في مشوار علاجي طوويل ،
أتعلمت و حميت بشرتي ، بعض الأشياء قدرت أتجنبها و اللي قدرت أقاطعه قاطعته و استخدمت بعض الحلول و نفعتي .
اليوم بذكر أكثر 5 أعداء لبشرتي .
اليوم بذكر أكثر 5 أعداء لبشرتي .
كوني جزء من عالمي ~
أي مصدر كان للحرارة سواء من الشمس ، الأفران و الطبخ في المطبخ ، الهواء الجاف ، بعض الإضاءات و غيرها .
التأثير اللي لاحظته على بشرتي : جفاف في البشرة ، بهتان ، تصبغ .
أستخدام واقي الشمس هو الحل الوقائي اللي أستخدمته حتى أخفف من تأثير الحرارة على بشرتي .
فكنت دايماً قبل ما أخرج برا البيت أحط واقي شمس و أجدده كل ساعتين ، أيضاً أستخدمه قبل ما أدخل المطبخ .
كمان ما أنسى نظارتي الشمسية لما أخرج ، و ملابس الدوام أحاول تكون ألوانها فاتحة .
و الحل الثاني بعد الوقاية هو نظام العناية و الترطيب تحديداً .. أستخدمت منتجات فيتامين سي حتى أعزز الإشراقة و النضارة لبشرتي .
بالنسبة للمنتجات اللي في الصورة :
واقي الشمس Image Skincare : مرره حبيته ، لطيف و خفيف على بشرتي و مايترك أثر أبيض .
سعره حوالي 150 ريال .
المقصود هنا بعض المركبات اللي تكون موجودة في الغسولات و منظفات البشرة ، أي غسول أو منظف فيه مركبات صابون بشرتي دايم تتحسس منه ، أغلب عرض كنت أعاني منه هو الإحمرار .
الحمدلله أنتبهت من بدري و كل الغسولات و المنطفات اللي استخدمها خالية من الصابون .
بالنسبة للمنتجات اللي في الصورة :
غسول فيشي تكلمت عنه [ هنا ] .
غسولات هيمالايا تكلمت عنها [ هنا ] .
من الحركات اللأرادية اللي لاحظتها في ، أنه وقت التركيز أكون حاطه يدي على وجهي و ساعات أحك وجهي .. طبعاً كانت أظافري شوية طويلة و رغم إني أعتني فيها قصيتها حتى أتفادي إني أسبب لبشرتي الضرر بحركتي اللأرادية ..
طبعاً بشرتي أهم من أني أطول أظافري .
أقصد العطور ماغيرها اللي نتعطرفيها ، في بعض الأحيان لما أعدي من جنب بنت متعطرة بعطر قوي أول شيء أحس فيه حرارة في وجهي و حكة ، و بعض الأوقات من السنة حتى عطوري ما أقدر أستخدمها .
الحل اللي لقيته لهالمشكلة إني أستخدم العطور الزيتية أو الزيوت العطرية أيا كان مسماها هي اللي أستخدمها غالباً .
و بعض العطور الثانية اللي تحت مسمى " Eau de Toilette ، Eau de Parfum " .
بالنسبة للعطور أحتاج أبحث في مكوناتها أكثر لإنه بعضها عادي ما تأثر على بشرتي و البعض آثره فضيع جداً .
و الأختيار الأسلم لي زي ماقلت العطور الزيتية " زيت العطر " .
5- بعض أنواع الأطعمة .
أيوه لا تستغربون .. بعض الأطعمة تأثر سلباً على البشرة ، أما تزيد إفراز الدهون أو تسبب تحسس و إحمرار و بعضها تخلف حبوب .
بالنسبة لي فإن المهدد الأبرز لبشرتي و اللي يسبب لها التهيج الفوري هي البهارات الحاره بالذات أنواع معينة من بهارات الفلفل مو شرط أكلها حتى لو كنت قريبة منها أحس بحكة في وجهي ، اللي سويته إني تجنبتها قدر المستطاع و أستخدمت خلطة بهارات خاصة فيني و تناسب ذوقي في الأكل .
منتجات الألبان و بالذات الحليب و مايشتق منه .. أستخدامه بإستمرار يتسبب في ظهور الحبوب ، لذلك إستبدلتها بمنتجات ذات مصدر نباتي .. و إذا أضطريت أستخدمها يكون إستخدام خفيف مو مستمر- يعني من فترة لفترة - .
المكسرات و المقالي و الحلويات ما أكلها إلا نادراً - تقريباً في المناسبات فقط - .
تقريباً هذه هي بعض الأطعمة اللي لاحظت إنها تضر بشرتي ، بهارات الفلفل تأثيرها فوري فكان الحل تجنبها ، أما الحليب و المكسرات و بقية الأطعمة تأثيرها يبان بعد فترة مع الأستمرار فالحل لها هو التقليل .
بشكل عام لاحظي بشرتك و العوامل اللي تأثر فيها ، منها تعرفي سبب مشاكلك و كيف تحليها .
صفحاتي الإجتماعية في يمين المدونة
في امان الله
فعلاً الأشياء اللي ذكرتيها التعرض لها يسبب مشاكل للبشرة و حساسية و حاله , لازم الواحد ينتبه
ردحذفحبيت البوست سلوى و استفدت منك , شكراً <3
العفو حبيبتي ❤
حذفيسعدك ربي يا جميلة �❤🌹�
كثير مايلاحظون الصابون واذا الغسول يحتوي على الصابون اولا
ردحذفانا نفس الشي اكره الغسولات اللي بالصالون ما احسها كويسة للبشرة + اكره الشعور لما اغسل بشرتي بعد استخدامه احسه يترك بقايا فيها
يعطيك العافية سلوى ❤
صحيح مركبات الصابون في الغسولات جداً مؤذية .
حذفالله يعافيك حبيبتي ❤🌹