السلام عليكم و رحمة الله و بركاته
كيفكم بنات ؟ .. إن شاء الله كلكم بخير ❤
مرره متأسفة على القطعة الطويلة اللي صارت و كانت بسبب ضغط الدوام ، ما صدقت ألقى وقت و أرجع للكتابة في المدونة .. مرره مشتاقة للكتابة .
اليوم بتكلم عن منتجات حبيتها و فادتني خلال عام 2015 ، هي منتجات متنوعة مابين عناية و مكياج
كوني جزء من عالمي ~
قبل ما أبدا بعض المنتجات اللي بتكلم عنها اليوم لي فترة طويلة أستخدمها يعني من قبل 2015 و مازلت أحبها و أرجع أشتريها مرة ثانية و حتى الآن اللي جربته ما كان منافس لها ، أيضاً للإختصار المنتجات اللي تكلمت عنها قبل بالتفصيل حطيت لكم روابطها .
في هذه العام معظم تجاربي كانت في منتجات العناية و اكتشفت منتجات كويسة و نفعت بشرتي .
مجموعة بيور سيستم من ايف روشية .
تكلمت عنها [ هنا ] ، هالمجموعة مخصصة للبشرة اللي تعاني من حب الشباب و تساعد في التخلص من آثاره .
خلال استخدامي لها لاحظت فرق و تحسن كبير في بشرتي ، و أكثر شيء حبيته في هالمجموعة هو اللوشن و القناع .. أكيد برجع أشتريهم مره ثانية و ثالثة و رابعة .
فيشي نورمادرم جل التنظيف العميق المنقي للبشرة .
تكلمت عنه [ هنا ] ، هالغسول ناسب طبيعة بشرتي المائلة للدهنية و المعرضة لظهور حب الشباب .
تنظيفه مرره ممتاز لنوع بشرتي ، و كميته كبيرة فيظل لفترة طويلة .
جهاز تنظيف البشرة أولاي ريجينيريست.
تكلمت عنها [ هنا ] ، فعلاً سوت فرق كبير في عنايتي ببشرتي .. تعطي نتيجة تنظيف مضاعفة ، اعتبرها مهمة جداً لتنظيف بشرتي من بقايا المكياج .
بلسم الشفاه المغذي من نوكس .
تكلمت عنه [ هنا ] ، أول مره استخدمته حتى أعالج مشكلة الجفاف و التشقق اللي كنت أعاني منها و بالفعل أعطى نتيجة ممتازة و عالج المشكلة .
هذا المنتج استخدمه من فترة طويلة و لحد الآن مالقيت منافس له من ناحية التغذية و المعالجة .
البعض منكم كتب لي أنه تركيبته ثقيلة .. طبعاً بتكون ثقيلة لأنه مصمم للشفايف الجافة و المتشققة .
صح تخلصت من المشكلة ، لكن مازلت أحب استخدمه بالذات قبل النوم .
و الآن جاء دور منتجات المكياج المفضلة ❤
123 بيرفكت سي سي كريم برجوا.
تكلمت عنه [ هنا ] ، ميزته تغطية خفيفة + تصحيح لوني للعيوب ، لما أستخدمه ما يحتاج أحط كونسيلر غير على العيوب الداكنة و القوية فقط .
من منتجاتي المفضلة للإستخدام اليومي و السريع .
ال ايه قيرل اتش دي برو كونسيلر.
تكلمت عنه [ هنا ] ، ميزته التغطية العالية + التركيبة الخفيفة + الثبات + سعره في متناول الجميع .. حبيته جداً ، حلو للإستخدام اليومي و السهرات .. و أكيد بأرجع اشتري منه كل مره .
ماسكارات ماكس فاكتور .
بالذات هالنوعين اللي في الصورة أحبها في مكياج الدوام .
تبين رموشي بشكل طبيعي و تغطي كل رمشه لوحدها ، دائماً أرجع أشتري منها .
عموماً سلسلة الـ False Lash Effect ، و الـ Clump Defy هما أفضل تجاربي من ماكس فاكتور.
و بس هذا اللي عندي لتدوينة اليوم ، أكتبوا لي في التعليقات هنا أو في حساباتي اللي تتابعوني فيها عن منتجاتكم المفضلة لـ 2015 .
صفحاتي الإجتماعية في يمين المدونة
في امان الله
تعليقات
إرسال تعليق