مساء الخير جمعياً 💕
نرجع لتجارب التسوق أونلاين 💸💸
من المحلات اللي دائماً أخلص فيها فلوسي جرير ، من قبل عدة شهور فتحوا التسوق أونلاين ياااه أنا هنا طرت من الفرحة 😍😍 و طبعاً جربت التسوق منه ، و من قريب صار عنده من ضمن طرق الدفع " الدفع عن طريق خدمة حساب سداد " وهي لب الموضوع اليوم و بعدها بأتكلم عن الخدمة و التسوق من جرير أونلاين .
خدمة حساب سداد ✨
تعتبر نظام آمن سهل و مريح .
طبعاً خدمة سداد اللي أتكلم عنها مو سداد الفواتير لا مختلفة ، أتكلم عن خدمة حساب سداد للتسوق عبر الأنترنت و طريقة التسجيل فيها سهلة .. من خلال حسابك المصرفي اونلاين - تفاصيل أكثر - .
و ببساطة تحولي مبلغ الشراء من حسابك المصرفي لـ حسابك في خدمة سداد .
و لما تجي لإنهاء عملية الشراء في الموقع اللي تتسوقي منه تختاري طريقة الدفع عن طريق حساب سداد ، و راح ينقلك لصفحة حساب سداد تدخلي فيها اسم الحساب و كلمة المرور هذه الخطوة الأولى ، و الخطوة الثانية يجيك رمز تحقق على الجوال تدخليه في الخانة الفاضية الموجودة في حساب سداد .. المسائلة سهلة و بسيطة و كل شيء واضح .
بعد عملية التحقق ينسحب مبلغ مشترياتك من حساب سداد ، من دون ماتحتاجي لبطاقة و لا دفع عند الإستلام .
رأيي في الخدمة بشكل عام جداً جداً جداً مريحة 😌 ، تغني عن مشاكل الدفع عند الإستلام .. أو اصدار بطاقة فيزا .
خلصنا من قصة حساب سداد نجي لتجربة التسوق من جرير .
زي أي موقع سوي حساب و كملي بياناتك فيه و ابدي تجربة التسوق .
1- تقيسم الموقع بحسب نوع المنتجات لسهولة الوصول .
2- من هنا تختاري مدينتك و تشوفي التاريخ المتوقع للوصول ، أغلب الطلبات وصلتني قبل الموعد المتوقع ، فالظاهر هما يحطوا أقصى تاريخ ممكن توصل فيه الطلبية .
3- خيار الإضافة إلى السلة لو حابه تشتري المنتج ، التحقق من المعارض هذا الخيار يتيح لك فرصة معرفة اذا المنتج متوفر في المعرض او لا .. يعني بدل ما تروحي مشوار و ماتلقي المنتج هذا الخيار يختصر لك المساءلة .
4- مواصفات المنتج .. طبعاً لازم و مهم تقرأيها قبل ما تفكري تشتري .
بعد ما تخلصي تكملي خطوات إتمام عميلة الشراء العنوان و طريقة الدفع .
يوصلك الطلب عن طريق ارامكس من 3~ 4 أيام عمل و يوصل الطلب .
كرتون الطلب مميز على شعار جرير " موجود في أول صوره فوق "
المنتجات مغلفة بشكل جيد و معها فاتورة مفصلة للطلب عليها الختم الرسمي لجرير و التوقيع .
هذه هو اللي طلبته مع أخواتي طبعاً
كم كتاب في مجال العمل و عدسة للكاميرا و بعض أغراض القرطاسية .
هالكتابين مفيدة جداً للأمهات و العاملين في مجال الأطفال .
لما أنهى قرأتها بإذن الله أكتب لكم نبذة بسيطة عنها .
و بكذا خلصت تدوينة اليوم
تعليقاتكم تسعدني 💕
صفحاتي الأجتماعية في يمين المدونة 📱
كوني جزء من عالمي 💕
في امان الله
تتهني فيهم والصراحة موقع جرير ممتاز وهاذي أول مرة أجرب أشتري منهم وأن شاء الله مايخيبون ظني فيهم باالنسبة للدفع انا بطاقتي الأنماء الكلاسكية الي أول ماتسجلين عندهم يعطونك أياها صراحة تغنيك عن جميع البطاقات تقدرين تفعلين خدمة الشراء عبر الأنترنت وتقدرين تقفلين الخدمة بكل سهولة من حسابك بموقعهم حتى خدمة سداد مايحتاج أسجل عندهم وأحول من حسابي لسداد وحوسة وكذا يعني على طول أقدر أشتري بأي مبلغ وخصوصاُ موقع جرير
ردحذفالله يسعدك ي عسل 😘 بالفعل موقعهم مميز و كل مرة أتسوق منه أشوف تطور أفضل من قبل 👌🏼✨
حذفحلو ذكرتي طريقتك في التسوق 👍🏼 شاكرة لك 🌹
حلو .. طيب هل مازالوا يتصلوا على الجوال لوصف البيت ام تطوروا وصاروا يوصلوا على المعلومات او العنوان الوطني المسجل في بيانتي بجرير ؟
ردحذفآخر مرة طلبت ..
حذفعامل التوصيل طلب الموقع على الواتساب و على طول وصل الشحنة .
كم يوم لحتى وصلك الطلب تبعك
حذفغالباً يوصلني طلبي مابين 3-4 أيام عمل .
حذف