تجربة التسوق من مانجو [ MANGO ]

صباح الخير جمعياً 💕

و تدوينة جديدة في القسم اللي تحبوونه ، التسوق اونلاين 😍💸💸

هالمرة جربت موقع خاص بالفاشن ملابس و توابعها و هو مانجو 

نخش في التفاصيل و تجربتي التسوقية له 

أعتقد إنه مانجو معرووف عن الكل و مريتوا على محلاته أكيد .

جودته ممتازة و منتجاته تعيش معك عمر ، أغلب التشكليات اللي ينزلها كلاسيك و تعجبني كثير للدوام و المقابلات الرسمية ، و فيه شوية قطع بوهيمي جميلة .

المهم من ناحية أسعار القطع فيه فهي في المستوى المتوسط إلى مرتفع .. لذلك أول ماتشوفي عندهم تخفيضات أو عروض أنصحك تستغليها 😎👍🏼

في الموقع متوفر قسم للرجال و النساء و الأطفال و هذ رابطه => " هنا "

عموماً الفاشن يعتمد على الذوق الشخصي .

الموقع يوفر خدمة الشحن مجاناً للمشتريات بقيمة 200 ريال و فوق .

عندة خدمة استبدال و استرجاع خلال 30 يوم .

بالنسبة للإستبدال في المحل اللي فهمته من الشروط ممكن الإستبدال لو كانت التشكلية موجودة في محلاتنا ، و بالمناسبة غالباً التشكلية الجديدة تنزل متأخرة كثير عن الموقع .. و بعض القطع و المنتجات ماتتوفر الا في الموقع ! 

يوفر خدمة الدفع عند الإستلام .

و يشحن عن طريق ارامكس تقريباً مدة وصول الطلب حوالي 10 أيام عمل .

" أيام العمل تعني كل الأيام عدا أيام العطل الأسبوعية و الأعياد " .

طريقة الشراء سهلة جداً

سجلي دخول و كملي بياناتك .. 

تسوقي في الموقع و القطعة اللي تعجبك اضغطي عليها .

1- تفاصيل السعر و تحت اللون ، لو في لون آخر حيكون فيه دوائر أكثر لكن هالفستان مو متوفر منه الا لون واحد .

2- اختيار المقاس ، و لو ماكنتي تعرفي تحتها مباشرة خيار " دليل المقاسات " فيه تفاصيل قياسات القطع في الموقع و كمان دليل جدول المعادلة للقياسات العالمية .

3- اذا عجبتك القطعة اضغطي على " اضف إلى حقيبة التسوق " .

4- لاتنسى تقرئي تفاصيل الوصف للقطعة و التركيبة و طريقة الغسيل [ جداً مهم ].

خلصتي تسوق و عبيتي السلة و وصلتي لنقطة اتمام الشراء ؟!

1- اضغطي على علامة سلة التسوق و تكون في أعلى يسار الصفحة .

يمدي تعدلي على المشتريات لو بتحذفي شيء منها .

2- اضغطي " شراء " حتى تنتقلي للخطوة الثانية .

بتفتح لك صفحة فيها تفاصيل الطلب و كم عدد القطع و تقدري تعدلي فيها .

1- لو عندك كود خصم تكتبيه في هذه الخانة و تضغطي تأكيد .

2- هنا البيانات اللي عبيتها في بداية التسجيل و بيكون هو عنوان التوصيل ، لو تحبي يوصلك على عنوان مختلف يمدي تعدلي من خلال الضغط على خيار تعديل .

3- خيارات الدفع ، و موجود الدفع عند الإستلام و هو اللي أخترته في طلبي .

بعد ما تتأكدي من كل بياناتك و محتويات سلة المشتريات تضغطي على تأكيد الدفع .

على الإيميل توصلك رسالة شكراً على الشراء و أن الطلب يعمل على تجهيزه في المخازن ، و مضاف تفاصيل الطلب من عنوان و الفاتورة .

اليوم التالي للطلب و صلتني رسالة على الإيميل بإن الطلب خرج من المخزن و في طريقة إلي .

أرسلوا رقم الطلب و كان حروف انجليزية كبيرة و في نفس الرسالة في رابط يوصلك لصفحة التتبع و منها تتابعي شحنتك وين وصلت .

و في نفس الرسالة تذكير القطع اللي أختريتها .

و خلال 8 أيام عمل و صلتني الشحنة .

الشحنة وصلتني في كيس بلاستيك مغلف بإحكام مضاف معه الفاتورة و إستمارة الإستبدال أو الإرجاع .

و مذكور على الكيس " Please re-use this bag for returns . Thank you " بمعنى " يرجى إعادة إستخدام هذه الحقيبة للإرجاع . شكراً لك " 

فالأفضل تفحتيه بحسب الإرشاد من المكان المخصص للفتح ، لأنه لاسمح الله لو  في قطعة حبيتي ترجعيها تستخدمي نفس الكيس و تحطي معها إستمارة الإرجاع و تفقليه كأنه جديد و تكلمي الخطوات بحسب التعليمات المذكورة في الإستمارة .

كل قطعة مغلفة لوحدها و هذا شيء يطمني إنها جديدة و ما أستخدمت قبل .

للإسف مو متعودة أصور قطع ملابس فبضيف صور المودل من الموقع .

في الوقت اللي طلبت فيه كان في عرض على القطع و أسعارها أقل بكثير من المعروض حالياً فأستغليت الفرصة .

و أيضاً أغلب القطع غير متوفرة حالياً للأسف .

قفطان مطرز 

اللي حابه تشوفه في الموقع " هنا "

لما طلبته كان سعره بـ 99 ريال .

في الموقع مبينه ألوانه أنصع و أفتح لكن هذا تأثير التصويرو الإضاءة ، هو أغمق بتكة بسيطة .

قميص بطبعات النجوم 

و " هنا رابطها "

تقريباً جات نفس الألوان مافرقت عن التصوير .

أخذتها بـ 59 ريال .

قميص فضفاض بأزرار 

و " هنا رابطها "

أشوف هالقميص من القطع الأساسية في الدولاب لازم يكون كل وحده عندها قميص أسود .

أخذته بـ 39 ريال .

سروال بقصة مستقيمة 

و " هنا الرابط "

من القطع الأساسية عندي في الدولاب ، كنت أدور على شيء واسع و مريح و لقيته الحمدلله .

و للجميلات السنفورات راح يجي طوله بالتماام علينا ، أما الطويلات بيجي نفس المودل تقريباً .

أخذته بـ 39 ريال .

وشاح به أزهار 

" هنا الرابط " - مازال متوفر .

وشاح بشكل مربع ، الألوان قريبة من الواقع بشكل كبير .

أخذته 49 ريال .

وشاح بطباعة نقشة جلد الفهد 

" هنا الرابط "

من الأوشحة المستطيلة الطويلة .. ينفع حتى كحجاب و خامته جميل جداً .

أخذته بـ 29 ريال .

بشكل عام حبيت الموقع و خدمته و جودة القطع كانت رائعة ، و المقاسات جات مضبوطة مشيت بحسب جدول القياسات و اخترت ، و أكيد لي تجارب أخرى قادمة أكيد .

بكذا خلصت تدوينة اليوم 💕

اكتبو رأيكم بالموقع لو جربتوه ، و لو عندكم اقتراحات كمان اذكروها ❤🌹

في امان الله