مساء الخير 💐
نرجع لموضوعنا و ايش التطورات اللي حصلت عليها من استخدام جهاز التقشير الكريستالي PMD
الآن صار لـي 7 أشهر استخدم الجهاز 😎✨
للحلوات الجدد على المدونة 💕
هنا المواضيع السابقة من هذه السلسلة :
نرجع لموضوعنا :
هالفترة مرت بعض أسابيع من دون ما استخدم الجهاز ، أقدر أقول كان تكاسل مني
لكن حسيت بالفرق لما اتركه .
أهم شيء حافظ عليه الجهاز هو بشرة خالية من القشور ، بعض الأحيان الحبوب لما تنشف و تروح تترك طبقات قشور مزعجة و مع الأساس تبين بشكل مقزز 😷 .. معه تخلصت من هذه المشكلة 👌🏼✨
المسام صارت أنظف و بعضها صغر حجمها ، تكون الروؤس السوداء قل و عددها في تناقص الحمدلله .
بقع الحبوب البنية .. قلت بشكل كبير و صغر حجمها .
بمعنى خلال هالسبعة شهور لاحظت فرق يخليني أستمر على الجهاز .
- بشرتي ملمسها صار ناعم و متساوي .
- اختفت القشور .
- المسام أنظف .
- الشوائب و البقع خفت .
تقدم رائع و يحمس على الإستمرار .
الأقراص اللي استخدمتها هالفترة .
- القرص الأزرق : في أول استخدم حسيته خشن شوية لكن تعودت عليه البشرة و منها لاحظت ظهور فعالية للجهاز .
- القرص الأخضر : هذا أخشن من السابق و فعاليته أفضل و هو اللي استخدمه حالياً .. ما كان في تحسس الحمدلله .
و بعد ما أخلص منه أفكر أجرب القرص الأحمر بإذن الله .. قريت كثير ريفيوز عنه إنه الأفضل فعالية و نتائج بينهم .
هنا علبة أقراص جديدة و اخترت أكمل مع القرص الأخضر و بعد ما انتهى منها إن شاء الله .. انتقل للقرص الأحمر .
هذا رأيي عن الجهاز خلال استخدامي له في الفترة الماضية ، و باقي التدوينة الأخيرة عن الجهاز أنزلها لما يصير في تطور في التجربة إن شاء الله
شاركوني بتعليقاتكم و رأيكم عن الجهاز في حال كنتوا مجربينه ؟!
في امان الله
انا عندي كلف في رقبتي وعلى كل الاشياء الي سويتها ماراح صح يخف لكن مايختفي فابسالك تتوقعين لو ابشتري الجهاز يشيله للابد او راح يكون تاثيره مؤقت ؟؟لان خايفه اشتريه وماينفع معي وربي يسعدك.
ردحذفالأفضل تستشيري الطبيبة هي الأكثر معرفة بموضوع الكلف .
حذفو يسعدك يارب 😘