صباح النور 🌸
و تجربة أخرى من تجارب التسوق اونلاين 💸💸
الصدق إنه لها فترة.. لكن مع فترة التخفيضات الموسمية حبيت أضيفها حتى تستفيدوا من التجربة .
محلات رينا معروفة عند الكثير منكم ، شخصيًا بعض الكولكشن تجذبني منهم كم قطعة و غالبًا ما أشوف ستايلهم يمشي معي .
جودة الأقمشة حلوة و الخياطة نظيفة و مرتبة .
قبل رمضان أعجبتني قطعة منهم و قررت أطلبها لطلة العيد 💁🏻♀️
موجود في الموقع دليل قياسات و دائمًا أنصح بإستخدام " شريط القياس " حتى تختاري مقاسك بالضبط من دون و لا غلطة .
الطلب وصلني خلال يومين بالتمام
مغلف بشكل مرتب ومرفق معه فاتورة لو حبيت استبدله في المحل ، على فكرة فروع الاستبدال للمشتريات اونلاين محددة فتأكدي منها قبل ماتروحي لأي فرع .
هنا شكل الفستان اللي طلبته - ما أدري ليه هالسنة معظم قطع الفاشن اللي أخذتها كانت بهاللون😅 - و [ هـنـا ] رابطها على الموقع .
بشكل عام تجربة التسوق منهم جدًا رائعة و تحفزني أرجع أطلب منهم مرة ثانية .
- توصيل سريع - ذاكرين في الموقع انهم يوصلون من يومين إلى 5 أيام عمل - ، شركة التوصيل Speedzi - و كل الطلبيات اللي كانت عن طريقهم توصلني في الوقت المحدد و يوصلنها لباب البيت ، تفوز عندي هالشركة صراحة ، بس أتمنى يطورون تفاعلهم في مواقع التواصل الاجتماعي و يصيرون تمام التمام - .
- تعدد خيارات الدفع : دفع عند الإستلام ، مدى ، البطاقة الائتمانية .
- الإستبدال في المحل .. نقطة ممتازة خصوصًا إنه لهم محلات على أرض الواقع .
- نطاق الأسعار في المجمل متوسط .
و بكذا انتهت 😎
لو عندكم تجربة معهم شاركوني برأيكم 💕
في امان الله
تعليقات
إرسال تعليق