كيف أوفر أموالي عند شراء المكياج

السلام عليكم و رحمة الله و بركاته

كيفكم اليوم ؟.. إن شاء الله كلكم بخير و عافية 

تدوينة اليوم جداا مهمة للكل تقريبا ، شفت مدونة أجنبية كتبت عن هذا الموضوع و حبيت أنقل لكم فكرتها بطريقتي .

أكيد قد صار مع أحد منك انكم اشتريتوا منتج بخسارة و ما استفدتوا منه ، و انهزت الميزانية الخاصة فيك .

في هذه التدوينة راح أذكر معايير تختاري فيها المكياج المناسب لك و توفري أموالك كمان .

• ليه تشترين مكياج ؟.

لا تشتري مكياج لإنك تبغى تشتري مكياج ، اشتري اللي أنتي محتاجة له فقط.

أعرف بنات يشتروا مكياج لمجرد التنفيس عن نفسهم أو انها اتعودت تروح السوق تشتري فقط 

للأسف هذه عادة غير صحية و تسبب اهدار المال في شيء انتي مو محتاجه له

اكتبي الحاجات اللي تحتاجيها و لا تشتري غيرها.

• جربي قبل الشراء.

من الأشياء اللي نعرفها ان المكياج مايترجع و لا يستبدل في أغلب المحلات.

فجربي المنتج قبل الشراء ، حتى لو جيتي على مدح وحده ثقة جربيه ، يمكن مايعجبك أو مايناسب لبشرتك .

• اشتري المنتجات اللي تستخدمينها فقط.

انتبهي تشتري مكياج لمجرد التفاخر و في النهاية مايستخدم ، أو تشتري شيء و تقولي يمكن استخدمه في يوما ما ، حافظي على فلوسك حتى تشتري المنتجات اللي تحتاجيها فعليا بجودة جيدة.

• اشتري فرش مكياج لها جودتها.

من أكثر الأدوات استخداما في المكياج الفرش ، اذا حبيتي تشتري فرش فاشتري فرش تكون جودتها جيدة و تعيش معك مدة طويلة ، مو شرط تكون الفرش الجيدة غالية في فرش ممتازة و سعرها في المتناول .

و حافظي على تنظيفها حتى يطول عمرها - تدوينتي عن تنظيف الفرش -.

• اختاري الماركة الأقل سعرا .

مو شرط الماركة رخيصة يعني سيئة ، في ماركات رخيصة و جودتها ممتازه " و اذا لقيتي بديل أرخص و ممتاز للمنتج اللي حابته خذيه و وفري  فلوسك لحاجة أهم ".

• استغلي عروض المكأفات و الخصومات .

دايما و أبدا استغلي الخصومات و العروض ، تقدري تأخذي الحاجة اللي تبغنيها بسعر أقل .

• خذي عينات.

كل مارحتي لمحل و خطر في بالك تجربي شيء جديد لاتشتري .. أطلبي عينة .. وجربيها ..في حال أعجبتك أرجعي أشتريها .

• اشتري منتج متعدد الإستخدامات.

هذه خدعة ممتازة لك وتقدري توفري على نفسك ، مثلا : في بعض أنواع الكونسيلر تنفع كونسيلر و إضاءة ، و البلش الكريمي ينفع ينحط روج كمان و العكس صحيح .

و خلصت تدوينة اليوم 

اذا حبيتوا اكتب تدوينة معينة أكتبوا لي في التعليقات أو في تويتر و انستقرام .

في امان الله