السلام عليكم و رحمة الله و بركاته
كيفكم اليوم ؟.. إن شاء الله كلكم بخير ❤
تدوينة اليوم استكمال للتدوينة السابقة [ * ] و حتكون عن رأيي في بعض الفرش المفردة من ريل تكنيك و إسفنجتهم الشهيرة
الأسفنجة | Real Techniques miracle complexion sponge
أكثر شيء انشهر من منتجات ريل تكنيك و تعتبر منافس قوي للبيوتي بلندر
فكرتها إنك تبلييها بالموية لحد ما تنتفخ و يتضاعف حجمها بعدها تعصيرها من المويه و تأكدي انو مافيها مويه زيادة - انتبهي لأظافرك لاتنغرس في الإسفنجة و إنتِ تعصريها لأن ممكن الأسفنج يخرب و يتقطع -.
نجي لشكلها ..
الجهة المدببة مخصصة لتغطية الأماكن الضيقة و العيوب و أيضاً تستخدم لتوزيع و دمج الكونسيلر .
الجهة المسطحة مناسبة لمحيط العين و الأنف .
الجوانب لدمج و توزيع الأساس على الوجة.
استخدامي لها ..
استخدمتها للأساس و لاحظت إنها تعطي تغطية طبيعة جداً تغطي الشوائب و التصبغات الخفيفة لكن لو في بشرتك حبوب أو آثار قوية ماراح تخفيها ، ساعات استخدمها كلمسة نهائية لدمج الأساس .
للكونسلير حول العين ممتازة ❤❤❤ ، و كمان استخدمتها للبودرة جمييييلة ❤❤❤
في بنات قالوا تنظيفها مرره صعب و تتقطع ؟؟!!
على حسب طريقتك ، الأسفنجة تتنظف بهذه الطريقة :
بلليها لحدما يتضاعف حجمها اعصريها - و انتبهي لأظافرك لا تنغرس فيها - حطي عليها سائل التنظيف اللي تستخدميه للفرش أو صابون سائل نظفيها كأنك بتسوي لها مساج - و ابعدي عن الفرك و الدعك - اغسليها بالموية و استمري بتنظيفها بطريقة لطيفة لحد ما يخرج كل الصابون منها و أتركيها تجف في مكان جيد التهوية .
حنزل فيديو لطريقة تنظيفها على انستقرام.
الأسفنجة ممتازة و أنصحكم فيها.
سعرها حوالي 6$
فرشاة التنقيط | Real Techniques stippling brush
هذا النوع من الفرش يعتمد على فكرة وجود أطوال مختلفة لشعيرات الفرشة وغالباً تجي هذه الفرش تحت مسمى الـ dual-fiber = ثنائية الألياف
الشعرات البيضاء طويلة و الشعرات السوداء قصيرة .
ايش فايدة إختلاف الأطوال ؟!!
الشعرات الطويلة هي اللي تأخذ المنتج و الشعرات القصيرة تساعد في الدمج بشكل مكثف و أفضل مع بشرتك.
زي بقية فرش ريل تكنيك شعراتها صناعية و مقصوصة يدوياً ، مقبضها مصنوع من الألومنيوم ميزته خفيف و سهل الأستخدام
الفرشة بإمكانك توقفيها على الطاولة .
هذه الفرشة مثالية مع المنتجات السائلة و الكريمية بالإضافة إلى إنها دقيقة في التوزيع و الدمج و تصل لكل مناطق الوجة حتى الزوايا الضيقة و الصغيرة .
استخدامي لها مقتصر على الأساس بصراحة أذهلتني النتيجة أول فرشة تمر علي توزع و تدمج الأساس حول الأنف بشكل كويس و مايحتاج أعدل بعدها .
نتيجة التغطية بهذه الفرشة : تغطية طبيعية تعطي مظهر مشرق للبشرة - يعتمد على نوع الأساس-
ما أدري اذا فهمتوا قصدي بالتغطية الطبيعية و الا لا D : ، أقصد بالتغطية الطبيعية اللي لما تطالعي في وجهك تحسي مافي طبقة اساس و بشرتك لونها متوحد .. التصبغات والآثار البسيطة مختفية - الآثار القوية زي النُدب و الحبوب تحتاج علاج عند دكتورة لا تتعبي نفسك في محاولة إخفاءها حلي المشكلة من أساسها -
و أكيد كل وحده تحب التغطية الطبيعية أنصحها فيها.
سعرها حوالي 10$
فرشة الكحل السيليكونية | Real Techniques silicone liner brush
جذبني لشرائها الجدل الهائل في الأراء حولها- ناس تمدح و ناس تذم - أكثر من انبهاري بفكرة فرشة من السيليكون.
زي ماهو واضح من اسمها الفرشة مصنوعه من السيليكون و واضح شكل الرأس السيليكوني في الصورة .
أبرز ميزة لاحظتها فيها انها تعطيك خط محدد و نهاية نظيفة مافيها زوائد و لا خط متعرج .
عجبني شكلها إنها قطعة وحده مو زي فرشة الكحل العادية أخاف تتباعد الشعرات عن بعض و تخرب لي الرسم .
من المزايا الحلوة فيها إنها سهلة جدااا في التنظيف - بمزيلات المكياج العادية - ماتأخذ ثواني .
و تقدري تستخدميها على الأكحال السائلة و الكريمية
شخصياً حبيتها جداً
سعرها حوالي 6$
**
لاحظت ان منتجات ريل تكنيك أرخص لما تشتريها أون لاين ، المحلات و التاجرات مهما كانت أسعارهم أقل من غيرهم فالاون لاين أرخص منهم - الحال هذا مو بس عندنا حتى الأجانب يشتكون p : -
**
عموماً حبيت منتجات ريل تكنيك اللي جربتها و أشوفهم ممتازات و سعرهم بطل
وهي من ضمن أفضل الخيارات للمبتدئات خصوصاً إنه أغلب فرشهم تنفع للمنتجات السائلة ، الكريمية ، البودرة .
و لو حابة تتعرفي على فرش من شركات ثانية طلي على تدويناتي السابقة عن الفرش
و بس هذه هي تدوينة اليوم ، اكتبوا لي في التعليقات أو في صفحاتي الإجتماعية عن فرشكم المفضلة من ريل تكنيك .
و اشتركوا في القائمة البريدية حتى تصلكم تحديثات بالتدوينات الجديدة [ ❤ ]
صفحاتي الأجتماعية في يمين المدونة
في امان الله
الله يجزاك بالجنة 💗 💗 تدوينه جميله ومتعوب عليها 💗 الله يسعدك يارب 💖
ردحذفو إياك حبيبتي ❤❤❤
حذفتعليقاتك لطيفة كعادتك يا جميلة 😘🌹