السلام عليكم و رحمة الله و بركاته
كيفكم بنات ؟ .. إن شاء الله كلكم بخير ❤
و رجعت لسلسلة منتجات خلصتها ❤❤ ، لي كم شهر مانزلت فخلونا نشوف ايش هيا المنتجات اللي خلصتها و هل برجع اشتريها أو لا ؟!!
كوني جزء من عالمي ~
يلا نشوف ايش هيا المنتجات اللي خلصتها
من اليمين :
كريم 21 | Creme 21
من كريمات العناية اللي دايما ارجع أخذ منها ، تكلمت عنه مرره كثير .
و أكيد برجع أخذ منه .
متوفر في كل مكان يبيع منتجات عناية .
زبدة بالمرز بتركيبة زبدة الكاكاو | Palmer's Cocoa Butter Formula
أعتقد كل متابعاتي يعرفوا مدى حبي لها و من زمان تكلمت عنها و أنصح فيها .
أستخدمها لترطيب الأماكن الجافة في الجسم .
و أكيد عندي منها احتياط قبل ماتخلص ، ما أقدر أستغني عنها ، هذه من المنتجات المفضلة عندي .
متوفره في السوبرماركت و الصيدليات .. الصغيرة سعرها حوالي 25 ريال و الكبيرة أعتقد إنها بـ 40 أو 45 ريال .
لوشن جسم من نيفيا عناية غنية للبشرة الجافة | Nivea Body Lotion Nourishing Richly Caring For Dry Skin
أعتبره من لوشنات الجسم المفضلة و بين فترة و فترة أرجع اشتريه ، ترطيبه بالنسبة لي كافي .
مابرجع اشتريه حالياً عندي كذا لوشن بخلصها أول بعدين بأشتري منه .
ملح سبا بالتوت | Mixed Berry Spa Salt
يعجبني جداً لتقشير الجسم و خصوصا لما يكون بروايح و سعره فرصة بـ 5 ريال !!
في بالي أجرب نوع جديد من شركة ثانية ، لو جربتوا شيء كويس اكتبوا لي حابه اجرب حاجة جديدة .
مناديل ديتول المعقمة
شيء ضروري عندي و من أساسيات شنطتي ، ما أستغني عنها و دايم اشتري منها .
كريم لطيف للجسم من جرجنز | Jergens Soft Body Cream
من الكريمات اللطيفة و الجملية لليدين و القدمين " هو للجسم بشكل عام " سعره ما يتعدي 10 ريال .
ايوا راح أرجع اشتري منه ، أشوف حجمه مناسب للشنطة .
غسول الفم من ليسترين | Listerine Zero Mouthwash
أقدر أقول أخيراً لقيت غسول فم مواصفاته تعجبني ، أكيد راح اشتري منه دائماً .
ما أتذكر سعره .
مناديل نيفيا للتنظيف " للبشرة العادية "
هي من مفضلاتي و مرتاحة عليها .
ما راح أرجع اشتريها هالفترة عندي نوع ثاني منها استخدمه حالياً .
لصاقات نيفيا للإنف
سبق و تكلمت عنها [ هنا ] .
عجبتني و طبعاً راح ارجع اشتري منها .
لصاقات بيوريه للإنف العادية
سبق و تكلمت عنها [ هنا ]
ماراح أرجع اشتريها أفكر اجرب نوع ثاني منها زي : الالترا .
كريم نيفيا للعناية بالعينين
سبق و تكلمت عنه [ هنا ]
هالكريم ممتاز للخطوط و الإنتفاخ تحت العين ، ثاني مره أرجع اشتريه ومازال عاجبني .
الحلو فيه سعره و كميته الإقتصادية ، يكفي لمدة طويلة .
ماراح ارجع اشتريه حالياً في كريم جديد جالسة اجربه .
زيت شجرة الشاي من بودي شوب
تكلمت عنه في انستقرام و في تدوينتي عن الحبوب [ هنا ]
عندي منه احتياط قبل ما يخلص .
سعره 30 ريال .
مقشر الوجة من مجموعة فيتامين سي من بودي شوب .
سبق و تكلمت عنه في انستقرام .
هذا حجم العينة و سعره بـ 9 ريال .
مقشر لطيف من مجموعة فيتامين سي، الفوائد المتوقعة منه: يعطي البشرة ليونة و نعومة، يجعل البشرة مشرقة و نضره، يحسن ملمس البشرة و لونها .. يناسب البشرات الباهتة.
ما أقدر أحكم على النتايج من خلال تجربة و حده، لكن بقولكم عن الإنطباع بعد تجربتي له و هل حمسني اجيب الحجم الاساسي من المنتج و الا لا !! المقشر ذراته مررره صغيره و ناعمة على البشرة، تستخدميه على وجه مبلل و بحركات دائرية ناعمة توزعيه على بشرتك و تغسليه بالمويه.
مقشر لطيف من مجموعة فيتامين سي، الفوائد المتوقعة منه: يعطي البشرة ليونة و نعومة، يجعل البشرة مشرقة و نضره، يحسن ملمس البشرة و لونها .. يناسب البشرات الباهتة.
ما أقدر أحكم على النتايج من خلال تجربة و حده، لكن بقولكم عن الإنطباع بعد تجربتي له و هل حمسني اجيب الحجم الاساسي من المنتج و الا لا !! المقشر ذراته مررره صغيره و ناعمة على البشرة، تستخدميه على وجه مبلل و بحركات دائرية ناعمة توزعيه على بشرتك و تغسليه بالمويه.
عجبني و راح اخذ منه الحجم الكامل مستقبلاً ، يعني بعد ما أخلص المقشرات اللي عندي .
قناع الكولاجين الكريستالي للعيون
لقيته في بازار و أخذت من اثنين و كانت الحبة بـ 10 ريال ، ما أعرف اذا كان متوفر في محلاتنا و الا لا .
عجبني انه يريح منطقة العين و يهدي من الإنتفاخ و يعطيها شوية ليونة .
جربت مره حطيته قبل المكياج و كانت النتيجة جميلة جداً
و كمان استخدمه بعد المكياج و اعطاني احساس بالراحة و نعومة للمنطقة .
الحلو فيه تقدري تستخدميه اكثر من مره .
لو كان متوفر في محلاتنا برجع اشتريه أو ابحث عن نوع مشابه له .
أكثر شيء يطول على بال ما يخلص المكياج ، و هذه الأشياء اللي خلصتها هالفترة .
كحل ريميل السائل
تكلمت عنه [ هنا ]
ما احتاجه حالياً ، عندي كحل جديد جالسه اجربه و بكتب تقييمي له في المستقبل القريب إن شاء الله .
ماسكرا برجوا فوليميزر
تكلمت عنها [ هنا ]
هذه من المسكارات اللي ارجع اشتريها من فترة لفترة
حالياً مكتفية بالماسكرات اللي عندي و مابشتريها .
كونسيلر ميبلين فيت مي
تكلمت عنه [ هنا ]
جميل جداً للصباح و الدوام و الزيارات .
ماراح ارجع اشتريه ، عندي اكتفاء من الكونسيلرز .
لايتنغ تتش من بودي شوب
هو كونسيلر إضاءة تكلمت عن [ هنا ] .
زي ماقلت قبل عندي إكتفاء و ماراح ارجع اشتريه هالفترة .
كويكر شوفان بالتفاح و التوت الأزرق .
هو عبارة عن وجبة سريعة التحضير نفس فكرة حبوب الأفطار خلال دقيقتين تكون جاهزة .
فيه 10 أظرف ، ما يحتاج منك غير تحطيها في زبدية فطورك و تحطي عليها حليب و دقيقتين و جاهز للأكل .
حلو بالنسبة لي في الأيام اللي أقوم متأخر أو مالي خلق أجهز فطور محترم .
ايوا راح ارجع اشتري منه و أجرب نكهات ثانيه .
لو عندكم منتجات حبيتوها اكتبوا لي عنها ، أحب اجرب منتجات من اقتراحكم ❤
صفحاتي الإجتماعية في يمين المدونة
في امان الله
حبيت التدوينة وحبيت ببالي كم شي اجربه
ردحذفحابه اسئلك ملح سبا بالتوت وين ممكن احصله؟
ويعطيك العافية 💕
ملح سبا دايم ألاقيه في محلات التجميل العادية .
حذفيعافيك ربي ❤
جربت كذا شي من اللي ذكرتيهم و حبيتهم
ردحذفجربي مقشر الأقدام من بودي شوب حلو ,
كنت بذكر لج لوشن نيفيا و لقيتج ذاكرته فعلاً عجبني حيل حلو يرطب اكثر من باقي اللوشنات ..
شكراً لج
مقشر الأقدام من بودي شوب جربته و فعلاً جمييل .
حذفالعفو ياجميلة ❤
تدينه رائعه
ردحذفجربت لوشن نيفيا بزبدة الكاكاو حبيت ترطيبه ريحه ماشي حاله ,,
وكريم همالايا للعناية ب حول العينين حبيته
دمت مبدعه ..
يسعدك ربي ❤❤
حذف