السلام عليكم و رحمة الله و بركاته
كيفكم بنات ؟ .. إن شاء الله كلكم بخير 😘
تدوينة اليوم حصيلة المنتجات اللي خلصتها في الشهرين الماضية ، بعض المنتجات كانت حلوة و اعتمدتها و بعضها كانت التجربة معها سيئة للأسف .
لو حابه تشوفي التدوينات السابقة من هذه السلسلة [ هنا ] .
يلا نشوف ايش هيا المنتجات اللي خلصتها هالفترة .
كوني جزء من عالمي ~
من اليمين :
- جل الأستحمام بحبيبات الزيت اللؤلؤية و الزنبق من نيفيا .
هذا الشاور جل رجع لي الثقة في منتجات الإستحمام اللي من هالنوع ، بعد ما كنت أتحاشي أستخدم أي شور جل خوفاً من أنه يسبب لي تحسس .
تكلمت عنه في انستقرام و في تدوينة روتين الأستحمام [ هنا ] .
أبرز ميزة في إنه يعطي شعور بالترطيب .
ما أفتكر كم كان سعره ، لكن بالعادة سعر منتجات نيفيا في متناول الجميع .
ايوه هذا الشاور جل من ضمن الأشياء اللي برجع أشتري منها .
- لوشن الصبار الملطف من فازلين للبشرة الجافة .
واحد من لوشنات فازلين الجميلة ، هذا النوع يوعد بإصلاح البشرة .. اللي لاحظته في فترة إستخدامي له بشرتي متغذية و نضرة .
يحتاج وقت على بال ماتتشربه البشرة .
بشكل عام عجبني ، ما أعتقد اشتريه هالفترة .. أحب أنوع في المرطبات اللي استخدمها .
سعره حوالي 20 ريال .
- غسول الفم من ليسترين .
جميييييل ، هو التوب عندي هالفترة .
أكيد برجع اشتري منه و أصلاً عندي احتياط قبل مايخلص .
سعره حوالي 31 ريال .
- حمام زيت للشعر من بوناويل .
هذا من منتجات العناية بالشعر اللي لي فترة طويلة أستخدمها ..
يعجبني إنه يبين الشعر صحي ، و يعطي نعومة لملمسه .
سعره إذا ما خانتي الذاكرة ..هالحجم أقل من الـ 20 ريال .
- قناع يتقشر باللوز و الخيار من هيمالايا .
أعتقد إنه هذا منتجي المفضل جداً من هيمالايا ، ما يحتاج أحكي فيه كثير شوفوا تدوينة أقنعة هيمالايا [ هنا ] .
و طبعاً عندي إحتياط منه قبل يخلص .
-غسول لطيف مرطب للوجة من هيمالايا .
واضح في الصورة إنه ما خلص ، لكن مانفع معي حسس لي بشرتي .
استخدمته في فترة كنت أعاني من جفاف كبير في بشرتي ، و طبعاً مستحيل أرجع اشتريه و ما أنصح فيه أحد أبداَ .
شوفوا تدوينة الغسولات [ هنا ] فيها تفاصيل أكثر .
-المرطب الكامل من لوريال .
تكلمت عنه بالتفصيل [ هنا ] .
صحيح عجبتني تركيبته الجل و ترطيبه لكن ما برجع أشتريه مره ثانية .
- سيروم فيتامين سي من أورنج ديلي .
تكلمت عنه بالتفصيل [ هنا ] .
ايوه بشتريه مره ثانية لكن مستقبلاً ، حالياً ما أحتاجه .
- كريم بيبانثين .
هذا أعتبره المنقذ ، أرطب فيه البشرة أو الأماكن الملتهبة .. بالفعل ممتاز .
و من المنتجات اللي أشتريها دائماً .
سعره 12 ريال .
متوفر في كل الصيدليات تقريباً .
- بي بي كريم غارنييه للبشرة المختلطة إلى الدهنية .
تكلمت عنه بالتفصيل [ هنا ] .
بشرتي ماعاد تتقبله زي قبل .. صار يبين بشرتي ناشفة ، ما برجع أشتريه.
- ماسكار إيلف للحواجب .
تكلمت عنها بالتفصيل [ هنا ] .
صراحة ما أستخدمت غير الجزء الملون أما المعالج ما فكرت أستخدمه .
المهم .. هي جيدة و ممكن أشتريها مره ثانية ، لكني فضلت أجرب ماسكارات حواجب من ماركات ثانية .
لذلك ما بشتريها هالفترة .
- أقراص قطن دائرية من بنده .
أعتبرها من القطن الجيد لكن مو الأفضل عندي .
ايوه أرجع اشتريه مابين فترة و فترة ، كمان في حاجة حلوة دايم يكون عليه عروض و تأخذيه بسعر فرصة .
بكذا خلصت تدوينة اليوم ، اكتبوا رأيكم في التعليقات عن هذه المنتجات لو جربتوها ..
و كمان لو حابين تقترحوا علي منتجات أجربها اكتبوا لي عنها .
صفحاتي الإجتماعية في يمين المدونة
في امان الله
البوست ده جميل بجد
ردحذفانا هجرب حمام الزيت ده لانه شعري مطفي. كنت بشوفه في السوبرماركت ومتجرأتش اجربه.
تسلمي ياجميلة ❤❤❤
حذفجميل جداً للشعر الجاف و التالف و المجهد يساعد في إعادة الحيوية للشعر و يعطي لمعة جميلة .
مدونتك جدااا رائعه ومفيده استفدت منك كثييير وليا فتره بدور ع كريم مرطب يناسبني ومحتاره ايش اخذ الين شفت البوست داا وقرأت عن كريم بيبانثين كنت اعرف انو للالتهابات والتشققات بس ماكنت ادري انو مرطب واشتريتو جدااا ممتاز ورطبلي البشره بشكل جيد ..... جزاك الله خيير ياعسل وربي يسعدك ❤����
ردحذفتسلمي يا عسل 😘 مرره انبسطت بكلامك .. يسعدك ربي ❤❤❤
حذفو إياك حبيبتي ❤🌹