السلام عليكم و رحمة الله و بركاته
كيفكم بنات ؟ .. إن شاء الله كلكم بخير 😘
توزيع الأساس .. خطواته .. طريقته .. كل الأشياء و الأفكار اللي تجي ببال المبتدئات في المكياج كثير ..
في تدوينة اليوم بكتب لكم عن طريقتي في إستخدام الأساس .
حطوا في بالكم لو في بداياتكم غلطتوا في توزيع الأساس و إستخدامه عاادي جداً مع المحاولة و التدريب و تكرار الإستخدام بيصير إستخدامكم للأساس أفضل من قبل بمررراحل .
و قبل ما أبدأ في تدوينة اليوم ، سبق و تكلمت عن أنواع الأساسات في تدوينة سابقة [ هنا ] .
كوني جزء من عالمي ~
الخطوات اللي بتكلم عنها بتكون بعد تهيئة البشرة و ترطيبها .
1- البرايمر .
من الخطوات المهمة قبل وضع الأساس ، يساعد على تخفيف بعض المشاكل مؤقتاً زي التحكم بإفراز الدهون - تصغير المسام - تنعيم البشرة و تخفيف الخطوط و كمان في برايمر مرطب للبشرات الجافة و برايمر مصحح و غيرها كثير ...
أيضاً يساعد البرايمر على ثبات الأساس لوقت أطول و نوعاً ما يساعد في الحفاظ على البشرة .
أستخدم نوعين من البرايمر بروفيشنال من بنفت و مصغر المسام من بودي شوب .
البروفيشنال يساعدني في التحكم بإفراز الدهون و يخفف من مظهر المسام و جداً فعال و يعطي مظهر حلو للبشرة لكن مشكلتي معه إنه تنظيفه صعب شوية ، لذلك صرت أستخدمه في مكياج المناسبات فقط لو حابه تعرفي تفاصيل أكثر عنه .. كتبت بالتفصيل [ هنا ] .
مصغر المسام و هو اللي أستخدمه كبرايمر حالياً .. هدفه الأساسي تصغير المسام و إعطاء ملمس ناعم للبشرة - بتكلم عنه في المستقبل بالتفصيل - .
أفضل طريقة لتوزيع البرايمر على البشرة بالطبطبة .
2 - خافي العيوب .
بما أن عندي بعض العيوب اللي تحتاج مصحح قبل ما أخفيها بخافي العيوب فالخطوة دائماً أخليها قبل الأساس .
أكثر سؤال يتكرر : الكونسيلر قبل الأساس أو بعد ؟
جربي الطريقتين و شوفي أيهم أفضل و فعال مع بشرتك .
و نقطة مهمة جداً : الأفضل تختاري الكونسيلر بنفس لون بشرتك لتغطية العيوب .
تكلمت قبل عن طريقتي في توزيع الكونسيلر [ هنا ] .
المنتجات اللي في الصورة تكلمت عنها قبل [ برو كونسيلر ال ايه قيرل ، كونسيلر ميبلين ، كونسيلر غارنييه ، باليت الكونسيلر من ميك اب فورايفر ] .
3- توزيع الأساس .
تكلمت بالتفصيل عن الأساس في [ تدوينة أنواع الأساسات ] .
طريقة التوزيع غالباً تكون .. بالأصابع ، الأسفنجة ، الفرش .
- الأصابع : توزعي الأساس بالتنقيط و بعدها تبدئي تدمجي بالطبطبة أو بحركات دائرية .
- الأسفنجة : توزعيها و دمجها حلو على البشرة تعطي تغطية خفيفة و طبيعية ، لما تستخدميها للتوزيع أستخدميها بطريقة الطبطبة ، كمان نصحية ثانية في استخدام الإسفنجة .. أستخدميها رطبة مع المنتجات الكريمية و البودرة ، و أستخدميها جافة مع المنتجات السائلة .
- الفرش : أنواعها كثيرة بتكلم عن نوعين :
* فرش الكابوكي : تتميز بشعرها الكثيف تعطي تغطية متوسطة لعالية توزيعها جيد و حلو .
* فرش الديو فايبر : تتميز بإختلاف أطول شعراتها و دقيقة في التوزيع ، تعطي تغطية موحدة و طبيعية .
بشكل عام التوزيع بطريقة الطبطبة بأي أداة كانت أفضل للبشرات الجافة و اللي فيها قشور .
لو بشرتك عادية مافيها مشاكل عادي توزعي الأساس بحركات دائرية أو بالطبطبة - شيء راجع لك و اللي يناسب مع بشرتك - .
و شوفي مقاطع يوتيوب متنوعة لتعليم المكياج ، ابحثي عن How To Apply Foundation ? و شوفي الطرق و جربي ، و أكيد بالتجربة تعرفي الطريقة الأنسب لك .
المنتجات اللي في الصورة تكلمت عنها قبل [ فرش سينسي ، فرش ريل تكنيك ، إسفنجة ريل تكنيك ، أساس ايستي لودر ، سي سي كريم برجوا ] .
4 - الإضاءة و الكونتور .
هذا الخطوة راجعة للتفضيل الشخصي و مو لازمة لكل لوك .
أشوفها مناسبة لـ لوكات السهرات و التصوير .
أماكن توزيعها تعتمد على شكل وجهك .
ممكن أتكلم عنه بالتفصيل في المستقبل - اكتبوا في التعليقات لو كنتوا حابين أتكلم عن مفهوم الكونتور و الإضاءة - .
5 - البرونز و بودرة الخدود .
كمان هذه الخطوة راجعة للتفضيل الشخصي مو لازم تحطي الأثنين مع بعض .. عادي لو استخدمتي واحد فيهم .
شخصياً أفضل أحط برونز و بلش ، و في مكياج الصباح غالباً أكتفي بالبرونز .
المنتجات اللي في الصورة تكلمت عنها قبل [ برونز بودي شوب ، بودرة الخدود من نكس ، بودرة الخدود من ديبورا ] .
6- الخطوة النهائية : التثبيت .
بعض المنتجات تساعد في تثبيت الأساس لوقت أطول .
البودر : أغلب البشرات الدهنية بعد وضع الأساس بساعه لـ ساعتين تبدأ تدهن ، فالأفضل تستخدم بودر على الأماكن الدهنية .
الفيكس بلس : مايثبت المكياج ، لكنه ينعشه و يساعد إنه يبين مدموج صح كمان يعطي ديوي لوك .
مثبت المكياج : لو كنتِ وحده يختفي المكياج بسرعه من وجهك أو في مكان جوه حار أو تتحركي كثير فإنك تحتاجي للمثبت .. و بيساعدك في إطالة مدة ثباته و بقائه على البشرة .
المنتجات اللي في الصورة تكلمت عنها قبل [ بودرة ستاي مات ، فيكس بلس ، مثبت المكياج من ال ايه قيرل ] .
بكذا أجملت طريقتي و خطواتي في استخدام الأساس ، إن شاء الله ما أكون نسيت شيء.
صفحاتي الأجتماعية في يمين المدونة
في امان الله
حلوه الخطوات , انا مع الاستخدام عرفت الأنسب لي بفرشة ريل تكنيك البفنق برش بعدها اطبطب بالبيوتي بلندر
ردحذفما تطلع لي قشور و يخطط خاصه انه بشرتي جافه ف بعد عناااااااااء عرفت الأنسب لي
صح المفروض الواحد ما يلتزم بشي واحد و يجرب لين يعرف الأنسب له
مشكوره
صحيح بالتكرار و المحاولة نعرف الطريقة الأنسب لبشرتنا .
حذفدائم أقول المكياج ماله طريقة معينة ، كل وحده تقدر تبتكر طريقتها الخاصة المناسبة لها .
العفو حبيبتي ❤