السلام عليكم و رحمة الله و بركاته
كيفكم بنات ؟ .. إن شاء الله كلكم بخير 😘
و رجعنا لهذه السلسلة من التدوينات 😊 ، أحس بالإنجاز لما أخلص المنتجات اللي عندي 💪🏼 خصوصاً إني متحدية نفسي ما أشتري أي منتج جديد غير لما أخلص الموجود 😤 و نوعا ما نجحت 😃 .
المهم خلونا ندخل في صلب الموضوع 🏃🏽🏃🏽
ايش هيا المنتجات اللي خلصتها هالشهر 😎
للتدوينات السابقة [ * ]
كوني جزء من عالمي ~
نبدأ مع منتجات العناية
من اليمين :
من منتجاتي المفضلة في العناية بالشفاه و ذكرته في تدوينة مفضلتي الجمالية لـ 2015 .
تكلمت عنه كثير و أكيد برجع اشتري منه ✨
هالمجموعة بشكل عام ناسبت بشرتي و نفعتها و خففت كثير من حب الشباب 🍪
حبيتها و ارتحت عليها ، لكن هالفترة مابرجع اشتريها لإني حالياً أستخدم علاج خاص للآثار المتبقية من حب الشباب .
هذا السيروم عجبني يشتغل على تفتيح الهالات و يرطب المنطقة + ممتاز قبل المكياج .
أكيد بأخذ منه مرره ثانية \ اصلا عندي منه احتياط 👍🏼
كريم الإشراقة الفورية لتفتيح البشرة من أولاي
هالكريم نتيجته جيدة من ناحية تفتيح الآثار لكنها مو وااو .. اشوف مفعوله بسيط عليها .
كمان في شيء ما عجبني يترك أثر أبيض على البشرة .
ما أتوقع اشتريه مرره ثانية ، لكن في الواقع عندي علبة ثانية على وشك تخلص و ماشفت منه فرق واضح على البشرة 😕 و طبعاً بعد تجربتي له للمرة الثانية و ماشفت فرق أكيد ماراح اشتريه .
اللي يعرفني من زمان يعرف إني أحب غسولات هيمالايا ، و أكثر شيء أحب غسول النيم اللي على شكل جل و قررت أجرب النوع الثاني منه الرغوي .. بصراحة ما حسيت تنظيفه عميق ، للأسف ماكان من مفضلاتي .
و مابرجع اشتريه .
هذا من مفضلاتي 😍😍😍 ،و تكلمت عنه كثيررررر في تدوينات سابقة و في الانستقرام ، و لازم يكون عندي منه احتياط .
أكيد بشتريه دائماً .
خل الشعر من ايف روشيه
تكلمت عنه في انستقرام ، هو يعيد لمعة و حيوية الشعر .
أكيد برجع أشتري منه .
كريم اليدين بزيت الآرغان من نيفيا
من مفضلاتي ❤❤ و دايم ارجع اشتري منه ، ترطيبه ممتاز للأيدي الجافة و أكيد أنصحكم تجربوه .
معجون التبييض و خيط الأسنان من كولجيت
بالنسبة لمعجون التبييض أبداً ماحسيته يفتح من لون الأسنان .. مجرد أنه يحافظ على لونها .
ماراح أرجع اشتريه .
خيط الأسنان كان عادي .. أحب اللي من اورال بي أكثر منه .
واقي الشعر من الحرارة من سيوس
الحقيقة إنه لسى مليان لكن صلاحيته خلصت ، و الحقيقة الثانية إني ماحبيته و أعطيته فرص كثير .
بإختصار يخلي شعري جاف جداً و فيه نفشة مزعجة .. ايش هذا بدل ما يحافظ على الشعره يخليها كذا .
طبيعة شعري كيرلي ناعم أطرافه جافه و الفروة شبه دهنية .. فكرت انه ممكن ماناسب نوع شعري و خليت أخواتي يجربونه و نفس المشكلة يخلي الشعر يميل للمظهر الجاف .. أتوقع ما أحد بيفكر يحبه غير اللي شعروهم مرررره دهنية .
اكتبوا لي رأيكم عنه لو جربتوه .
لوشن الجسم بزبدة الشيا من نيفيا
ماأدري كم مره تكلمت عنه و كم مرره رجعت اشتريته .. أتوقع كثيررررر مررره .. و هو من منتجاتي المفضلة اللي دايماً أرجع اشتريه .
تكلمت عنهم قبل في تدوينة سابقة - اضغطوا على العنوان حتى توصلوا لها 👆🏽 - .
ما أتوقع اشتريهم هالفترة .
هذه درجة رقم 30 غامقة و استخدمها للكونتور ، حبيتها جداً و ممكن ارجع اشتريها .
هذا الحب 😍😍😍
أكيد برجع اشتري منه ، حبيت تغطيته الممتازة و ثباته الطويل .
بجد كونسيلر بطل .
اممم .. المنتج كويس و نتيجته حلوه لكن ماحبيت ريحته و مخططه أجرب من شركة ثانية .
لذلك ما راح أرجع اشتري منه .
الحسنة الوحيدة فيه بالنسبة لي هي انه يحتوي على زيت شجرة الشاي اما شكله على بشرتي و ثباته جربت اللي احسن منه .
طبعاً مابشتريه .
زي ماذكرت استخدامي له كان قبل المكياج ، بالفعل يصغر من شكل المسام لكن مستحيل يكون له اي تأثير على الحفر و أي آثار لحب الشباب .
ما أتوقع اشتريه هالفترة .
المنتج جيد ماعندي شيء أقوله فيه ، لكن جربت مزيل أفضل منه و بسعر أرخص ، تقدروا تشوفوا في التدوينات السابقة من هذه السلسلة .
بالتالي ماراح اشتريه .
للأسف ما انتبهت اني ماصورته مع هالمجوعة 😅😂💔 ، راحت عليه 😪
من ناحية التحكم بالدهون و تصغير المسام ممتاز ، أما من ناحية التنظيف فهو صعب .
لذلك مترددة هل أرجع اشتريه أو لا .
جميلة جميلة جداااً 😍😍😍😍😍😍
تزيل كل أنواع المكياج بشكل كامل ، بالفعل تختصر خطوات و وقت .
عيبها لو دخل منها في عينك تسبب غشاوة في الرؤية فانتبهي و انتِ تنظفي حول العين .
و أكيد عندي منها احتياط قبل ما تخلص .
حلوة .. لكن مابشتريها .. حابه أجرب شيء جديد هالفترة .
قطن للأطفال من بندة
يعجبني حجمه الكبير يمسح الوجة بشكل كامل و لطيف عليه .
استخدمه بعد ما أوزع زبدة التنظيف على الوجة .
بكذا خلصت تدوينة اليوم و تكلمت عن المنتجات اللي خلصتها في الفترة الماضية .
الأغلب تكلمت عنه في تدوينات مستقلة ، أضفت روابطها و ماعليكم غير تضغطوا على اسم المنتج و ينقلكم للتدوينة 👍🏼
تعليقاتكم و أرائكم تهمني 💕
صفحاتي الإجتماعية في يمين المدونة 📩
في امان الله
تعليقات
إرسال تعليق