مساء الخير جميعاً 💕
كل وحده فيكم تجيب كوب القهوة / الشاهي و تروق على التدوينة 😌☕
أمس و أنا أرتب مكتبي أكتشفت وجود الصندوق اللي أجمع فيه منتجاتي اللي خلصتها ، صرااحة منظره يجبرني أكتب تدوينة ع السريع 😂😂😂😂😂
ما أتذكر متى كانت آخر تدوينة كتبتها في هذه السلسلة !!
عموماً اللي تحب هالنوع من التدوينات تدخل " هنا " .
إعتباراً من هذه التدوينة بتكون التدوينات القادمة من هذه السلسلة هي فقط للمنتجات الجديدة اللي جربتها ، بمعنى مابيكون فيه أي منتجات مكرره شفتوها في التدوينات السابقة حتى لو رجعت اشتريتها ثاني و ثالث و خلصتها ما بطلعها مره ثانية في هالسلسة و السبب حتى أبتعد عن التكرار و الملل في الكتابة و في نفس الوقت تتحمسون لمعرفة تجربة جديدة و يكون في محتوى شيق كل مره .
في نفس الوقت بيكون في سلسلة للمفضلات سواء منتجات أو كتب أو مأكولات ... الخ ، على الأغلب بتكون فصلية يعني كل كم شهر ، لأنه غالباً مفضلاتي ما تتغير كثير .
خلونا نبدأ بموضوع اليوم " بعض المنتجات كتبت عنها تدوينات مفصلة سابقاً ، اضغطي على اسم المنتج و توصلي لها " .
من اليمين :
من أجمل الغسولات اللي جربتها ، لطيف على البشرة و ينظف بشكل ممتاز .
حبيته جداً ، عيبه الوحيد من وجه نظري " التعليب "، أشوف نص العلبه تصير مليانة هواء و بالتالي ممكن تفسد الكمية المتبقة من الغسول و تصير غير فعالة ، بشكل عام في الغسولات أفضل التعليب يكون على شكل ضغاط .. هذا الغسول في منه حجم أكبر و يجي بشكل ضغاط و دورته في كذا صيدلية و مالقيته ، ما أدري هو مو متوفر هنا و الا يخلص بسرعة !!
- رغوة تنظيف الوجة من وايت راديانس من أولاي .
أبداً غير مناسبة للبشرات الدهنية ، هذه الرغوة فيها كمية ترطيب رهيبة ، تنفع مع البشرات الجافة أو المختلطة المائلة للجافة .
طبعاً كانت منتج غير مناسب لي و تركتها فوراً .
ما اعتبره الكريم الواااو اللي يغير البشرة ، لكن يظل منتج ممتاز و فعاليتة جيدة بالنسبة لحب الشباب و آثاره ، لكن يعيبه سعره يعتبر مرتفع بالنسبة لمنتجات تعطي نفس النتيجة و سعرها أقل منه بكثير .
ما أظن أرجع أشتريه طالما جربت منتجات بنفس المفعول و سعرها أفضل .
من المنتجات الرائعة لمعالجة آثار حب الشباب ، كم مرة رجعت أخذت منه حتى الآن ؟!! كثير و الله 🙃🙃
عموما هالمجموعة من ايف روشيه جداً رائعة لمحاربة حب الشباب أجمل شيء فيها هو اللوشن و القناع .
للأسف هالفترة كل ما أروح تقولي الموظفة مخلص .. من جمااله ياناس 😩💔
مفعولها جيد في إزالة الآثار و تصفية البشرة ، لكن هالفترة ما أحتاجها .
- مرطب الشفاه من بيزلين .
جميل جداً و من المرطبات اللي باستمرار أرجع اشتري منها و لازم يكون واحد في الشنطة .
النوعين أعجبوني و أكيد برجع أشتري منهم مره ثانية .
المميز عندي صراحة هو المزيل الزيتي بس انتبهوا تقربوه من العين .
شيء من الجمال هالزبدة أكيد برجع أشتري منها ، و أعتقد انه هذه العلبة الثالثة اللي أخلصها .
الحلو فيها طريقة استخدامها مرره مريحة و تشيل كل المكياج .
- ديرمالوجيكا precleanse غسول عميق التنظيف " سامبل " .
عبارة عن منظف عميق يزيل المكياج و الزيوت و الأوساخ ، هالسامبل يكفي مره للإستخدام و صراحة صعب الحكم من مره ، لكن التجربة كانت مشجعة لتجربة شيء من منتجات ديرمالوجيكا .
- Exuviance Gentle Cleansing Cream .
كمان هذا سامبل ، لكن ما أعجبني الصراحة .. أِوفه مناسب للبشرات الجافة و العادية ، و ممكن بعض أنواع البشرات المختلطة .
من سيرومات العين الجميلة ، هو المفضل عندي و دائماً أرجع اشتري منه .
تكلمت عنها في انستقرام ، مرره حبيتها و أفكر أجرب بقية منتجات المجموعة .
- زبدة بالمرز .
كثير تكلمت عنها و تعتبر من منتجاتي الإساسية اللي ما استغني عنها .
- كريم اليدين بزبدة الشيا من جرجنز .
صراحة على تجاربي السيئة مع منتجات جرجنز إلا إن هالكريم كان جمييل جداً و ترطيبه ممتاز .
طبعاً يعتبر حالياً من خياراتي المفضلة لكريمات اليدين .
- كريم اليدين من نيفيا بزيت الأرغان .
و هل يخفى القمر ، هذا أجمل كريم للايدي جربته ، أدري ازعجتكم فيه 😁😁
طبعاً من مفضلاتي الدائمة و عندي منه احتياط قبل مايخلص كمان .
بعد تغيير التركيبة ، صار أفضل بكثير و أنصحكم تجربوه يا بنات 👌🏼✨
ترطيبه ممتاز و سعره مرره معقول بـ 10 ريال فقط .
- الغسول الحميمي من سيباميد .
منتج رائع و آمن ، و معروفة سيباميد بمنتجاتها الرائعة .
من المنتجات الأساسية اللي استخدمها للترطيب ، كثير تكلمت عنه .
جميل و مفعوله جيد لكن كميته تخليني أدور على مقشر ثاني .
- مزيل العرق من فيشي .
حتى اللحظة هو الأفضل ، مهما جربت أرجع أخذ منه و أنا كلي ثقة إنه هو المنتج المناسب لي .
- منتجات فازلين للترطيب " اللوشن و البخاخ "
طاح علي حبها هالفترة ما أخذ الا هي ، هالمجموهة أحبها جداً ❤❤❤
حابه أجرب مرطبات جديدة اقترحوا علي يا حلوات 🤔
- فوط يومية من فريشدايز .
الصراحة كوتكس هي الأفضل لكن لما ما ألاقيها متوفرة فريش دايز تكون اختياري ، و كانت كمنتج فوط يومية ممتازة .
ناعمة على البشرة ، و تحافظ على المنطقة ناعمة و جافة من الرطوبة .
و جينا للمكياج
انصدمت يوم رتبت الدرج و شفته ، نسيت انه موجود 😭😭😭💔
يعتبر من أفضل الكونسيلرز عندي للسهرات ، أبداً ماينفع يومي و لا أتوقع أرجع اشتريه كإستخدام شخصي لي .. يعني السهرات و المناسبات اللي احضرها محدودة و جربت كونسيلرز تنفع يومي و سهرات تغنيني عنه .
ممكن لو مناسباتك كثير ينفعك أما لو انتِ خرجاتك قليل أبداً ما أنصحك فيه .
من تجاربي الحلوه في الفاونديشن ، لكن للأسف الدرجات المتوفرة قليلة و غالباً تكون درجتي مخلصة .
ما أتوقع ارجع اشتريه عندي اكتفاء من الفاونديشن هالفترة ، أفضل أخلص اللي عندي أول و بعدها أفكر أجرب شيء جديد أو أرجع اشتري من اللي عجبوني قبل .
حتى الآن هذا أفضل برايمر جربته للبشرة الدهنية من الدرقستور ، رحت أشتري منه قبل مايخلص للأسف مالقيت و الموظفة قالت مقطوع هالفترة - ما أدري عاد من جدها و الا بس تصرفني - .
أشهر من نار على علم ، الكل يمدح فيه ، الصراحه هو جيد .. لكن عيبه يخطط و درجاته قليلة .
الحلو فيه إنه خفيف و دمجه سهل .
ما أتوقع اشتري منه مرره ثانية .
- ماسكارا فليفت فلوم من ماكس فاكتور .
قريباً بكتب ريفيو عنها هنا في المدونة ، بشكل عام ماجربت ماسكارا من ماكس فاكتور الا و عجبتني .
كان تجربة حلوة و غير نظرتي لأقلام الحواجب ، نتيجة حلوه و سعره رخيص .
لكن ما أفكر أرجع اشتريه .. في كذا ماركة حابه أجرب منتجاتها للحواجب ، لو مجربين شيء حلو اكتبوا لي عنه .
- فرش مكياج .
عندي كذا فرشة مكياج صار شعرها يتساقط تلفت و ماعاد تنفع للإستخدام .
فرشتين من سنسي وحده فيهم عندي من 2014 اللي هيا فرشة الكابوكي المائلة و الثانية الفرشة الصغيرة عندي من 2015 .
فرشة من GH من يوم أخذتها و هي شعرها يطيح و صارت صعبة التنظيف فخلاص ماتنفع أبداً .
بقول شيء عن فرش سنسي .. ممتازة في وضع المكياج و سعرها رخيص صح و جودتها عادية ، لكن اللي تستخدم المكياج بكثرة ماراح تكون عملية معها لأنها حدها سنتين بالكثير و تخرب هذه البنت تحتاج لفرش جودتها أعلى ، أما اللي استخدمها خفيف و نادر تحط ميك اب مايفرق معها لو اخذتها في النهاية بتعيش معها هالفرش و تكون كسبت انها وفرت على نفسها تشتري شيء غالي و يقعد قدام عينها و هي نادر تستخدمها .
بكذا خلصت تدوينة اليوم ، شاركوني رأيكم في المنتجات اللي أتكلمت عنها .. و اذا في شيء يستاهل التجربة كمان اكتبوا لي عنه .
تعليقاتكم تسعدني 💕
صفحاتي الأجتماعية في يمين المدونة 📱
كوني جزء من عالمي 💕
في امان الله
السلام عليكم،،
ردحذفكيفك حبيبتي هذا اول رد لي في مدونتك اليوم قمت أتصفحها صراحة مدونة جميلة ومتعوب عليها اهنئك عليها وعلى إصرارك وان شاء الله باكون احد متابعينك الدائمين ��
و عليكم السلام و رحمة الله و بركاته
حذفالحمدلله تماام .. ربي يسعدك ي عسل 💕💕
هذه الردود الحلوه اللي تحمس و تخليني أقدم و أعطي أكثر و أكثر ✨✨
و اتشرفت بمتابعتك يا عسل 💐