السلام عليكم و رحمة الله وبركاته
كيفكم اليوم ؟. إن شاء الله كلكم بصحة وعافية ♥
اخترت تكون تدوينة اليوم عن الاستعداد للمناسبة و بالتحديد السهرات
حتى تكون إطلالتك مثالية و راقية لابد من الاستعداد قبل المناسبة بكم يوم
الشعر الزائد
يفضل قبل المناسبة بثلاث أيام تشيلي الشعر الزايد و بالذات شعر الوجة لازم قبل المناسبة بكم يوم ، طبعا كل وحده لها طريقتها المفضلة و المريحه .
العناية بالبشرة
المفروض تكون روتين يومي لكن بعض البنات الله يهديهم يهملون و يتكاسلون في العناية ، فلو كنتي من ذا النوع ضروري تكوني مهتمة ببشرتك بإنتظام قبل المناسبة بإسبوع على الأقل - مكياجك يعتمد على مدى عنايتك ببشرتك - ، " شوفي تدوينتي عن العناية بالبشرة "
الأظافر .. اليدين .. القدمين
من أكثر الأشياء اللي تبان مدى العناية فيها في المناسبة ، ضروري يكون لها روتين عناية أسبوعي.
و قبل المناسبة بليلة سوي روتينك في العناية فيهم و تدليلهم - شوفي روتيني بالعناية باليدين و القدمين -
شعرك
اذا كنتي مخططة تصبغينه او تقصيه أفضل وقت قبل المناسبة ب 5 أو 7 أيام ، و عادي لو كان قبلها بأكثر من كذا.
تبغين تعرفين كيف تعتني بشعرك خاصة لو كان كيرلي أو ويفي عندكم هيا(الكيرلز ) بنوته جميلة و لها خبرة في هذا المجال، شخصياً أستفدت منها كثيرررر يسعدها ربي ♥ .
جسمك
أكيد حتستحمي يوم المناسبة ، ضروري تهتمي بمزيل العرق و ريحتك عموماً - أعتقد هذه النقطة شيء بديهي و ما أظن أحد يغفل عنها - ، ممكن تستخدمي المقشر لجسمك في يوم المناسبة أو اليوم اللي قبله على حسب ماتحبين ، رطبي جسمك بمرطبك المفضل و بس .
مكياجك
ضروري تكون فرش مكياجك نظيفة و أدواتك جاهزة ، تبدأين في المكياج بعد ترطيب البشرة ، لو كنتي حابه تروحي لمشغل اتاكدي من نظافة المشغل بالذات نظافة الأدوات.
هذا كل اللي عليك تسويه قبل و يوم المناسبة طيب في المناسبة كيف ممكن تستعدي او اي شتأخذي معك ؟؟
في حاجات اكيد بتأخذيها معك زي العطر - افضل تأخذي الحجم الصغير - ، مراية ، الروج ، مناديل ، قطن ، لو بشرتك دهنية بتحتاجين مناديل لإزالة الدهون .
في بنات يحبوا يأخذوا معهم أشياء اكثر أو اقل -الإحتياجات تختلف بيننا -
انبسطنا بالمناسبة و فرحنا
في شيء مهم لازم نسويه قبل النوم
موممكن نرجع من المناسبة ونام على طول
استحمي
حمام سريع يطير التعب والارهاق اللي تحسي فيه بعد المناسبة .
بشرتك
أزيلي المكياج بطريقة صحيحة و لا تنسي روتين العناية بالبشرة.
شعرك
يفضل تغسلي شعرك لو استخدمي عليه مستحضرات كثيرة و اهتمي بترطيبه
مشروب مهديء
خلصتِ من العناية بنفسكِ و حابه تنامي و انتي مسترخية اشربي مشروبك المهديء ممكن شاي أخضر ، ليمون بالنعناع ، و بنات يفضلون اللبن .... أي مشروب مهدي تحبيه يساعك على النوم .
و ليلة سعيدة و هادئة .
أتمنى أنى مانسيت شيء :)
في امان الله
كفيتي ووفيتي الله يسعدك �� >>تحس بنظافه ��❤❤❤
ردحذفو يسعدك يارب ❤❤❤
حذفربي يسعدج كملي لا توقفين حتى لو ماحد كثير يتابعج انتي لج طموح وغايه يارب توصلين لها اتمنى لج من كل كل كل كل قلبي السعاده والنجاح سوري طولت بس من كثر ما اسعدتيني ..
ردحذف😍😍
حذفحبيبتي أنتِ 🌹 ، ربي يسعدك يا جميلة ❤❤
ما تدري قد ايش خليتني أشعر بالسعادة و أنا أقرأ كلماتك الجميلة ❤❤